Gai politikoen inguruan erreferendumak egitearen alde daude herritarren hiru laurden
Euskal Autonomia Erkidegoko (EAE) herritarren % 75ek uste dute erreferendumak "modu ona" direla garrantzitsuak diren gai politikoen inguruko erabakiak hartzeko. Iritzi hori hazi egin da, gainera, 2021eko datuekin alderatuta. Era berean, are gehiago igo da (12 puntu) herritarrek gobernuak hartzen dituen erabakietan eragiteko duen gaitasunean sinisten dutenen kopurua (% 35ek hori uste dute).
Eusko Jaurlaritzako Prospekzio Soziologikoen Kabineteak egindako galdeketa baten emaitzak dira honakoak. Oraingo honetan kultura demokratikoaren inguruko gaien inguruan itaundu zaio EAEko gizarteari. Inkesta otsailaren 14tik 17ra egin zuten, etxeetan 1.026 elkarrizketa eginda.
Galdeketaren arabera, gero eta handiagoa da EAEko herritarrek politikan duten interesa. Hala, 2010ean itaundutakoen % 20k baino ez zioten politikan nolabaiteko interesa ("interes handia edo nahikoa") zutela. Gaur egun, % 42koa da ehuneko hori. Dena den, oraindik ere % 58 dira politikan interes "gutxi edo batere ez" dutela diotenak.
Parte hartze mailari buruz itaunduta, mantendu edo zertxobait txikitu dira parte hartze "aktiboa" eskatzen duten jarduerak. Hala nola, manifestazio batera joatea (% 37), greba batean parte hartzea (% 20) edo Interneten eztabaida politikoko foro edo talde batean parte hartzea (% 8).
Bestalde, talde edo elkarteetan parte hartzeari dagokionez, % 26k adierazi dute baten bateko kide direla, parte hartze maila handiagoarekin edo txikiagoarekin. Ehuneko hori Espainiako Estatuko batez bestekoa baino dezente handiagoa da (% 17).
Zer ezin dugu jasan gizarte moduan?
Halaber, gizarte moduan onartezinak iruditzen zaizkigun jokaeren inguruan ere galdetu diete herritarrei. Honako hauek dira gutxien onartzen direnak: lanera ez joatea gaixotasun baten aitzakian (% 91k uste dute ezin dela inolaz ere onartu), delitu bat ikusitakoan ez salatzea (% 86) eta ordaindu gabe metroan, autobusean, edo trenean sartzea (% 85).
Intolerantzia maila zertxobait txikiagoa da beste bi kasuetan: merkatari edo profesional batekin hitzartzea BEZa ez kobratzea produktu edo zerbitzu batengatik gutxiago ordaintzeko (% 75) eta errepidean abiadura muga gainditzea (% 68). Azken kasu horretan, agerikoa da gizonen eta emakumeen artean dagoen aldea: andrazko gehienek uste dute onartezina dela errepidean arinegi joatea (% 75), aldiz, gizonezkoak permisiboagoak dira gai horretan (% 59).
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.