Arabako Auzitegiak Aitor Telleriari jakinarazi dio 10 eguneko epea duela espetxean sartzeko
De Miguel auzian kondenatutakoak hasi dira espetxean sartzeko jakinarazpenak jasotzen. EITB Mediak jakin ahal izan duenez, Arabako Auzitegiak gaur goizean jakinarazi dio Aitor Telleria EAJko Araba Buru Batzarreko kide ohiari 10 eguneko epea duela kartzelan sartzeko. Bihar kontatzen hasi eta apirilaren 9an amaituko litzateke epea, baina horri grazia eguna gehitu beharko litzaioke.
Dena den, Aitor Telleriaren abokatuak EITB Mediari azaldu dionez, espetxean sartzeko prozesua geldiarazita dago harik eta Arabako Auzitegiak zigorrak eteteko eskaerak ebazten dituen arte.
Izan ere, Aitor Telleriaren defentsak indultua eskatu zuen kondena osoagatik, eta ezohiko etenaldia, gaixotasunagatik.
De Miguel auzian zigortu zituztenetako beste bik ere, Alfredo De Miguelek eta Koldo Otxandianok, zigorrak eteteko eskaerak egin zituzten.
Aitor Telleriari bost urte eta hilabeteko kartzela zigorra ezarri zioten prebarikazioa, funts publikoak bidegabe erabiltzea, merkataritza-dokumentuak faltsutzea, influentzia-trafikoa, kapitalak zuritzea eta legez kanpoko elkartea osatzea egotzita.
Alfredo de Miguel Arabako EAJko bigarrena eta foru diputatua izandakoari 12 urte eta 4 hilabeteko zigorra ezarri zioten, kargu publikoan aritzeko gaitasungabetzea eta isunaz gain. Honako delituak egotzi zizkioten: funtzionario-eroskeria pasiboa, merkataritzako dokumentua faltsutzea, diru publikoa bidegabe erabiltzea, funtzionario-eroskeria, kapitalak zuritzea eta zilegi ez den elkartea osatzea.
Koldo Otxandiano jeltzalea 7 urte eta 6 hilabeteko kartzela zigorrera kondenatu zuten, baina espetxean 6 urte eta 9 hilabete egingo ditu gehienez.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen. Hazte Oir elkarteak Sortu salatu du, gorroto delitua, sentimendu erlijiosoen aurkako delitua eta terrorismoa goratzea egotzita.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".