Uxue Barkos: "Nafarroako alderdi sozialistak askotan, gehiegitan, Ferraz kalean du begirada"
Uxue Barkos Geroa Bairen Nafarroako Gobernuko presidentegaiaren ustez, PSNren gobernuak ez dio etekinik atera Nafarroan eta Espainiako Estatuan gobernu sozialistak egoteak eman zitzaketen erraztasunei. Hala adierazi du Barkosek Euskadi Irratiko "Faktoria" saioan egin dizkioten galderei erantzunez. Ildo horretan, "legegintzaldiaren azken segundoan" sinatu den trafikoaren eskumenari dagokionez, esan du "lau urte galdu" direla, "Madrilgo espresio politikoaren eskutik oztopo handiak" izan baitira. Bi gobernuak sozialistak izanik "gauzak errazago egiterik bazegoen". Barkosen hitzetan, "sinatu den akordioa, ia koma bat aldatu gabe, 2019ko azken hilabeteetan Geroa Bairen gobernuak egindako proposamen berbera" baita. Horren inguruan "oztopo politikoak" egon daitezkeen arren, "oztopo teknikorik" ez zegoela ondorioztatu du.
Berdintsu mintzatu da, esaterako, azpiegituren inguruan galdetutakoan ere. "Nafarroak hamarkadak daramatza inbertsio berririk izan gabe. Gure erregimen fiskalaren ondorioz, erantzukizun fiskala Moncloan dago. Nafarroaren erantzukizuna da Estatuan egiten diren inbertsioen % 1,6 ordaintzea, eta Nafarroak ordaindu du; ez ditugu ikusi, ordea, Espainiako Gobernuak ordaindu behar dituenak". Gaineratu duenez, finantziazio akordiorik ez egotearen ondorioz "geldirik daude, besteak beste, Nafarroako kanalaren obrak".
Nafarroako Parlamentuko Mahaia udaletako mahaiak osatu aurretik osatzeko erabakia hartu zuen Maria Chivitek, eta horren inguruan Uxue Barkosek azaldu du 50 urtean behin bakarrik egin dela horrela, arrazoi berezi batzuk tarteko, eta beti osatzen dela Parlamentuko Mahaia udalen mahaiaren ostean. Negoziazioetan eragiteko nahi batetik egindako mugimendua ote den galdetuta, Barkosen arabera, "zergatia ez du azaldu, ez publikoki, ez gure artean, baina, argi dago norabide horretan doala zergatia".
Gobernukide gisa PSNrekin zenbait gaitan ados egon ez arren, "elkarrekin lan egiteko aukera ederra" izan dutela esan du Barkosek, baina "kultura politiko oso desberdina" dutela biek ala biek. Hurrengo legegintzaldian ere formula errepikatzeko prest leudekeen galdetuta, gauza asko aldatzeko eskatuko luketela erantzun du, batez ere "botere portzentaia", horien gainetik dagoelako "erantzukizun politikoa".
Euskararen dekretuari dagokionez, Barkosek uste du "Nafarroako errealitateari begiratzen ez dion dekretua" dela, "eremu ez-euskaldunetan atzerriko hizkuntzak promozionatzen direlako, eta ez euskara". Horren esanetan, euskararen arloan Nafarroan gauza asko hobetu badira ere, "gauza asko eta garrantzitsuak daude egiteko oraindik".
Zure interesekoa izan daiteke
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen dute irabazle, baina ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin, azken unera arte ahalegindu nahi du azken urteotan galdutako boto-emaileak berreskuratzen.
Euskadiko zerga turistikoa 6 egunekoa izango da, eta etxebizitza turistikoak gehiago zergapetuko ditu
Podemosek zazpi zuzenketa adostu ditu EAJrekin eta PSE-EErekin, tasa turistikoa "progresiboagoa, malguagoa eta udalentzat erabilgarriagoa" izan dadin.
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Ekimenaren helburua "autobide arautzaile bat" sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.
Andaluzia: ezkerraren gotorleku eraitsia, eskuinaren bastioi berria
Zalantza nagusi bat dago igandeko hauteskundeei begira: PPk gehiengo osoa lortuko duen ala Voxen babesa beharko duen. Andaluzia ezkerraren gotorlekua zen, baina eskuina hegemonikoa da gaur egun. “Ezkerreko indarren higadura eta eztabaida politikoaren gai nagusien aldaketa giltzarriak izan dira”, adierazi du Ainara Villaño politologoak.
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.