Donostian EAJrekiko "desafekzioa" dagoela onartu du Goiak, eta entzutea eta gehiago azaltzea defendatu du
EAJk irabazi ditu 2023ko Donostiako udal hauteskundeak, baina alde txikia atera dio bigarren indarra izan den EH Bilduri. 10.000 boto galdu ostean, Eneko Goia Donostiako jarduneko alkate eta alkategai jeltzaleak EAJrekiko "desafekzio zantzuak" daudela onartu du eta horregatik uste du herritarrei entzun eta jeltzaleen proiektua eta hiri eredua "hobeto" azaldu behar dela.
EAJrekiko desafekzioaren arrazoiak zein diren galdetuta, Eneko Goiak adierazi du, batetik, EAJri orokorrean eragiten dioten arrazoiak egongo direla, eta, bestetik, hiriarekin lotura dutenak. Azken horien artean aipatu ditu, besteak beste, Norteko geltokia erastea, mugikortasuna eta turismoa.
Gobernu Batzordearen ondorengo prentsaurrekoan azaldu duenez, "pozgarria" da EAJk hirugarrenez jarraian Donostian irabazi izana eta "pozgarria" da.
PSE-EErekin duen gaur egun koalizio gobernua errepikatuko ote duen galdetuta, Goiak esan du bere asmoa lehendabizi sozialistekin "hitz egitea" dela beraien jarrera zein den ezagutzeko, eta, gero, gainerako taldeekin. Helburua, hiriak gobernu egonkorra izatea dela azpimarratu du.
Juan Karlos Izagirre (EH Bildu): "Donostiak gauzak egiteko beste modu bat nahi du"
Juan Karlos Izagirre EH Bilduren Donostiako alkategaiaren esanetan, Donostiak argi hitz egin du eta "gauzak egiteko beste modu bat nahi du". Horren iritziz, donostiarrak ez daude ados azken urteetan EAJ-PSE koalizio gobernuak gauzak nola egin dituen, eta, horren aurrean, EH Bilduk gauzak bideratzeko lan egingo duela gaineratu du.
Maiatzaren 28ko hauteskudeetako emaitzak baloratzeko eskaini duen prentsaurrekoan, Izagirrek eskerrak eman dizkie EH Bildurengan konfiantza jarri duten donostiarrei. Izan ere, koalizioak 2019an baino bi zinegotzi gehiago lortu ditu, seitik zortzira igarota.
Izagirreren ustez, Goiari dagokio orain gobernua osatzeko alderdiekin harremanak "gidatzea" eta, hitz egiten hasten direnean mahai gainean dauden "proposamenak eta aukerak" aztertuko dituzte.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.