M28
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

EAJ izan da lehen indarra Donostian, EH Bildu puntu eskasera duela

EAJk bederatzi eserleku eskuratu ditu, bat gutxiago, eta EH Bilduk zortzi, bi gehiago. PSE-EEk eta PPk egungo ordezkaritzari eutsi diote, bost eta hiru zinegotzirekin, hurrenez hurren, eta Elkarrekinek bi ordezkari lortu ditu, bat gutxiago. Parte-hartzea % 59,9koa izan da, bost puntu txikiagoa.
donostia euskaraz 100
donostia euskaraz 100

IDOIA ALBERDI ETXANIZ | EITB MEDIA

Azken eguneratzea

EAJk irabazi ditu Donostiako udal hauteskundeak, baina alde txikia atera dio bigarren indarrari, EH Bilduri. Eneko Goia egungo alkate jeltzaleak bederatzi zinegotzi lortu ditu, botoen % 27,96 eskuratuta, 2019an baino bat gutxiago.

Ia puntu eskasera, bigarren lekuan, Juan Karlos Izagirre EH Bilduko hautagaia geratu da, botoen % 26,73rekin; ezker abertzaleko koalizioak zortzi zinegotzi lortu ditu, aurreko legealdian baino bi gehiago. 

Sozialistek hirugarren lekuari eutsi diote, eta Marisol Garmendiaren hautagaitzak botoen % 18,57 bereganatu ditu. Horrela, PSE-EEk egungo bost ordezkariei eutsiko die.

PPk ere, egun dituen zinegotzi kopuruari eutsi dio, eta Borja Corominas buru duen zerrendak hiru ordezkari izango ditu Donostiako Udalean. Botoen % 12,08 eskuratu dituzte popularrek.

Azkenik, Elkarrekin koalizioak (Podemos Euskadik, Ezker Anitza-IUk, Berdeak Equok eta Aliantza Berdeak osatutako koalizioak) ordezkari bat galdu du, eta Victor Lasaren hautagaitzak bi zinegotzi izango ditu, botoen % 8 jasota.

Parte-hartzea % 59,9koa izan da, bost puntu txikiagoa.

Foru eta Udal Hauteskundeak Politika Donostiako Udala EAJ-PNV Gipuzkoa PP Donostia EH Bildu PSE EE Euskadiko Alderdi Popularra Eguneko Titularrak Podemos Euskadi Ezker Anitza

Zure interesekoa izan daiteke

Gehiago ikusi
Publizitatea
X