Urkullu: "Igandeko bozkak hauteskunde orokorren kanpainako lehen proba izan ziren"
Iñigo Urkullu lehendakariak esan du maiatzaren 28ko hauteskundeak datorren uztailaren 23ko bozken kanpainaren lehen proba izan zirela. Hitz horiekin erantzun dio kazetari batek egindako galderari, Pedro Sanchezek atzo egindako iragarpenaz galdetu egin dionean, "ezustean" harrapatu duela erantsita.
Komunikabideen aurrean egindako agerraldian, adierazi du nahiko lukeela legegintzaldi honetako jarduna "normaltasunez" bukatu, Estatuko legealdiaren amaiera gorabehera. Aurreikusitakoaren arabera, 2024ko uda hasieran amaituko du Urkulluk legealdia, alegia, orduan deituko ditu Eusko Legebiltzarrerako bozkak.
Testuinguru horretan, iragarri du ez duela hauteskundeak aurreratzeko asmorik.
Espainiako hauteskunde orokorren deialdiak Euskal Autonomia Erkidegoan izan ditzakeen ondorioei buruz, bestalde, nabarmendu du Gobernuak ez dituela hartutako konpromisoak errespetatu, zenbait eskumenen transferentzia bete gabe geratu delako.
"Gobernu programa bat eta plan batzuk ditugu, eta espero dugu normaltasun osoz bete ahal izatea, baldin eta egoerak horretarako aukera ematen badigu", azaldu du.
Esan bezala, lehendakariak argi du Gorteen desegiteak eta hauteskundeen aurrerapenak eskumenen negoziazioan eragina izango duela, baina salatu du orain arte ere Gobernuak eta bere presidenteak ez dutela horretarako onartutako kronograma bete.
Iragan igandeko bozkak hizpide hartuta, azpimarratu du bere asmoa ez zela emaitzak Espainiako edo Legebiltzarrerako hauteskundeen atariko gisa hartzea. Hots, argitu du maiatzaren 28rako kanpainan zabaldutako mezuak "udal eta foru hauteskundeetara bideratuta" zeudela.
Zentzu horretan, iritzi dio arrazoi asko egon litezkeela emaitza horien atzean; herritarren "haserrea", "nekea" edota Jaurlaritzaren jokabidea, adibidez.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.