Nafarroak larunbatean hartuko ditu bere gain Trafikoko eta Bide Segurtasunaren arloko eskumenak
Nafarroak bihar, uztailaren 1ean, hartuko ditu bere gain Trafikoaren eta Bide Segurtasunaren arloko eskumenak. Gehienez ere 4 urteko trantsizio-epea irekiko da Foruzaingoak eskumen horiek bere gain har ditzan. Epe horretan, Nafarroako Trafiko Taldeko agenteek 'pasabide' bat baliatu ahal izango dute autonomia-erkidegoko polizia-kidegoan sartzeko.
Maria Chivite Foru Gobernuko jarduneko presidenteak pozik hartu du "mugarri historiko hau", "diktadura frankistak eskumen hori kendu zigulako duela sei hamarkada baino gehiago, eta, azkenean, elkarrizketa eta leialtasun instituzionalarekin berreskuratu dugulako". Nafarroako Araudiak eta Konstituzioak autogobernua errespetatzen dutela nabarmendu du Chivitek, eta 2018. urtean Espainiako Justizia Auzitegi Gorenak horren aldeko ebazpena eman zuen.
Chiviteren esanetan, transferentzia "hainbat urteko egutegiarekin" egingo da, eta "kalitatezko zerbitzua, hurbila, eraginkorra, modernoa eta gure erkidegoaren errealitatera egokitua" emateko konpromisoa hartu du. Nafarroako Gobernuko presidenteak eskerrak eman dizkie prozesu honetan Nafarroarekin zein autogobernuarekin euren konpromisoa agertu dutenei. Halaber, Foruzaingoaren lana txalotu du, Trafikoaren eta Bide Segurtasunaren arloko eskumenak bere gain hartzeko gaitasuna erakutsi duela iritzita. "Nafarroan lan egiten duten gainerako indar polizialei ere eskerrak eman nahi dizkiet, egunero nafar guztientzat lan egiteko prest daudelako", gaineratu du.
Ana Vazquez PPko kideak egindako adierazpenen inguruan galdetuta, Chivitek irmo erantzu nahi izan du; izan ere, uztailaren 23ko hauteskunde orokorrak irabaziz gero, eskumen hori kendu ote daitekeen aztertzeko asmoa iragarri dute popularrek. Testuinguru horretan, Espainiako Gobernuko presidentetza eskuratuz gero, "PPk Francok egin zuen gauza bera ez egitea" espero du Chivitek, "nafar guztiena den eskumen bat kenduz".
Nafarroako Trafiko Taldeko agenteek 'pasabide' bat baliatu ahal izango dute autonomia-erkidegoko polizia-kidegoan sartzeko. Gauzak horrela, Guardia Zibileko Trafikoko agenteak Foruzaingoan sartzeko aukera izango dute datorren urtetik aurrera. Halaber, Foruzaingoan sartzeko izena ematen duten guardia zibilen kopurua ezagutzen denean, Lan Eskaintza Publikoaren deialdia egingo da, zerbitzu hori betetzeko beharrezkoak diren 149 plazak bete arte.
Testuinguru horretan, pozik agertu da Laura Aznal EH Bilduk Nafarroako Parlamentuan duen ordezkaria, Nafarroak Trafikoaren eta Bide Segurtasunaren arloko eskumenak hartuko dituelako, eta modu horretan Foruzaingoa Nafarroako polizia-eredu integrala izateko urratsak ematen direlako. UPNk, berriz, irmo deitoratu du albiste hori, Guardia Zibila eta Espainiako Polizia Nafarroatik kanporatu nahi dituztela arrazoituta.
Zure interesekoa izan daiteke
?fmt=webp-alpha&qlt=80)
Lau pertsona atxilotu dituzte urriaren 30ean Nafarroako Unibertsitatean izandako istiluengatik
Istiluak Nafarroako Unibertsitatearen inguruan jazo ziren, Vito Quiles eskuin muturreko ekintzaileak ekitaldi bat deitu ondoren. Azkenean, bertan behera utzi zuen deialdia.
Europak "Euskadi bezalako" Estaturik gabeko nazioak kontuan har ditzala eskatu du Pradalesek
Europako Alderdi Demokratak (PDE) urteroko kongresua egin du ostiral honetan BECen. Bertan, Europako alderdietako buruzagi politikoak, aktibistak eta intelektualak izan dira.
Espainiako Gobernuak garraio publikoko deskontuak luzatzeko asmoa duela egiaztatu du Jaurlaritzak
Garraio publikoan hobariak mantentzearen alde agertu da Lakua, eta, luzatzen ez badira, "horri buruzko bide-orri propioa" martxan jartzearen alde.
Bingen Zupiriaren ustez, atxilotuen jatorriaren berri emateak "gezurraren eta estigmatizazioaren aurka borrokatzeko" balio du
Bingen Zupiria Eusko Jaurlaritzako Segurtasun sailburuaren arabera, neurriak "gauzak informazio egokiarekin argitzen laguntzen du", baina "batzuk itxura eman nahi dute datuak ezkutatu nahian gabiltzala". EH Bilduk, berriz, eskuinaren diskurtsoa elikatzea eta kritikei entzungor egitea leporatu dio sailburuari.
Gasteizek erantzukizunak eskatu dizkio Estatuari 76ko martxoaren 3ko eta 78ko sanferminetako gertaerengatik
Beste hainbat elkarterekin batera Martxoak 3 eta Sanfermines 78 Gogoanek aurkeztutako mozioa onartu du Udalbatzak.
El Ventorroko jabeak adierazi du ez zituela Mazonen deiak entzun eta 18:30ak eta 19:00ak artean joan zela
Valentziako Generalitateak GOIDIAren inguruan egin zuen kudeaketa ikertzen ari den Catarrojako (Valentzia) epailearen aurrean deklaratu behar izan du ostalariak. Ez zuela Mazon telefonoz hitz egiten entzun esan du eta ez zitzaiola iruditu presidentea arduratuta zegoenik.
Sumarrek ez du Eusko Jaurlaritzarekin negoziatzen jarraituko eta osoko zuzenketa aurkeztuko die aurrekontuei
Halaxe iragarri die Jon Hernandez Sumarreko legebiltzarkideak komunikabideei. Hernandezek salatu du Jaurlaritzak erakutsi duela ez duela Sumarrekin negoziatu nahi datorren urteko kontuei taldeak balizko babesa ematea.
Abiadura Handiko Trenaren konexioan "inplikatzeko" eskatu dio Pradalesek Macroni gutun bidez
Javier de Andres EAEko PPko presidenteak Legebiltzarrean egindako galdera bati erantzunez, lehendakariak esan du atzerapenak "oztopo" direla Euskadiren garapenarentzat. Horregatik, gutun bana bidali die Emmanuel Madron Frantziako presidenteari eta Sebastien Lecornu Frantziako lehen ministroari, Hendaia-Dax-Bordele konexioan "inplikatzeko" eskatuz.
Pradalesek diktaduran egindako bidegabekeria konpontzeko eta aitortzeko keinu bat egitea eskatu du
Imanol Pradales lehendakariak Espainiako Estatuak diktaduran egindako bidegabekeria konpontzeko eta aitortzeko eskatu du. Lehendakariaren hitzetan, "Estatuak oraindik zor handia du Euskadik iraganean jasandako bidegabekerien aitorpenean".
Rosa Lluch Radio Euskadin: “Pozgarria da 25 urte geroago aita oroitu eta faltan botatzen dutela ikustea”
ETAk duela 25 urte hil zuen Ernst Lluchen alabaren hitzetan, "asko dago egiteko" erabateko lasaitasuna lortzeko bidean, baina baikorra da eta ziur dago "dena iritsiko zela".