Erabakitzeko eskubidearen aldeko ikurrin olatu bat zabaltzen hasi da Tourreko zirkuitu osoan
Frantziako Tourraren hasierak nazioartean izango duen oihartzuna aprobetxatu nahi du Gure Eskuk Euskal Herria bere etorkizun politikoa askatasunez erabaki nahi duen zazpi lurraldeko herria dela lau haizeetara zabaltzeko. Horretarako, gaurtik astelehenera bitartean, "Euskal Herriak erabaki – Basques decide" mezua duten ikurrinekin Euskal Herri osoa zipriztinduko duen "olatu" handi bat sortu nahi du ekimenak.
Ikurrin horiek Gure Eskuren online dendan eros daitezke, Gure Eskuk herrietan dituen taldeei eskatuta, Fanzone-n (Naiz eta Berriaren stand-ak) eta uztailaren 3an karabanan, Berriaren eskutik. Gure Eskuk dei egin die euskal herritarrei ikurrin hori errepideen bazterretara atera edo etxeko balkoietan zintzilika dezaten, "herritarren mezua nonahi ikus dadin".
Gainera, egunero makilak dituzten ikurrinak banatuko dituzte, irteeretan eta etapetako helmugetan. Gaur Termibusen elkartu dira, Bilbon, 10:00etan, eta arratsaldean Areatza eta Gas plazaren inguruetan izango dira, 15:00etatik aurrera. Bihar gauza bera egingo dute Gasteizen, Gasteiz Txiki auzo elkartearen lokalean, 10:00etatik aurrera, eta Donostiako Salamanca pasealekuan, 15:00etatik aurrera. Astelehenean, uztailak 3, ikurrinak banatuko dituzte Zornotzako anbulatorioan 11:00etatik aurrera, eta Baionako Patxa plazan 15:00etatik aurrera.
Halaber, larunbat honetan inoiz egin den ikurrinik handiena zabaldu dute Bakion, bandera egiteko prozesu kolektiboan parte hartu duten gizon-emakumeen izen-abizenak daramatzana.
Ostegunean, lasterketako taldeen aurkezpenean, Christian Prudhomme Tourreko zuzendariak argazkiak atera zituen ikurrinarekin, "Euskal Herriak erabaki – Basques decide" mezuarekin, Eusko Jaurlaritzako eta Bilboko Udaleko ordezkariekin batera. Era berean, mezua aurkezpen ekitaldira iritsi zen, Neomak musika taldeko kideek publikotik helarazitako ikurrina jaso eta jantzi baitzuten. Pello Bilbao, Ion Izagirre eta Mireia Epelde txirrindulariek eta Arritxu Iribar eta Xabier Usabiaga kazetariek ere bat egin dute Gure Eskuren ekimenarekin.
Ekitaldi nagusia, astelehenean
Halaber, uztailaren 3an, ekimen berezi bat egingo dute Bidasoan, "bi aldeetan aldarrikapen ezberdinak dituen herri bat dagoela erakusteko". Gune horretan indar erakustaldi bat egitea "berebiziko garrantzia" du Gure Eskurentzat, bertan amaitzen baita Tourraren antolatzaileentzat Espainiako zatia eta bertan hasten baita Frantziako ibilbidea. "Guretzat dena da Euskal Herria, Bidasoa ez da muga, zubia baizik, eta bertan herri honen jarraipena irudikatuko dugu".
Hitzordua 12:00etan jarri dute Irungo Santiago pilotalekuan. "Oso garrantzitsua da espazio esanguratsu hori geure ikur eta koloreez betetzea eta Euskal Herriko zazpi lurraldeak aldarrikatzea", azpimarratu du Josu Etxaburuk.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.