Feijook eta Urkulluk ordu erdiz hitz egin dute, baina inbestidurari heldu gabe
Alberto Nuñez Feijoo PPko presidenteak eta Iñigo Urkullu lehendakariak ordu erdiz hitz egin dute gaur arratsaldean, telefonoz, baina buruzagi popularraren inbestidurari heldu gabe, Lehendakaritzaren iturriek jakinarazi dutenez.
Horren ildotik, Feijook eta Urkulluk solasaldi "argia" izan dute, eta "orainaren eta etorkizunaren analisia" egin dute, bi aldeen esanetan. Nolanahi ere, lehendakariak esan dio inbestidurari buruz "EAJren arduradunekin" hitz egin behar duela.
Atzo, urte politikoari hasiera eman zion Gobernu Kontseiluaren ostean, Urkulluk argi utzi zuen Voxek "baldintzatu" egiten duela PPren politika, eta jeltzaleen printzipioek "talka" egiten dutela Santiago Abascalen alderdiarenekin.
Era berean, lehendakariak adierazi zion inbestidurarako negozazioei ekitea alderdiei dagokiela, eta "ez presidente autonomikoei". Hori bai, hitz egiteari ez diola uko egingo nabarmendu zuen, "ez Feijoorekin, ez beste inorekin".
Urkulluk atzo azaldu zuenez, "Voxek zalantzan jartzen ditu Ertzaintza, EITB, Osakidetza, euskara eta autogobenua bera". Horregatik, "printzipioekin koherentea" izan behar duela esan zuen: "Ni abertzalea naiz, nazionalista, barneratzailea, irekia eta progresista arlo sozialean".
Feijook bilera-sorta egin nahi du presidente autonomikoekin, bere inbestidura-saioari begira.
Albiste gehiago politika
Rodriguez: "Herri hau berriro zutitu behar da bloke neofrankistari ozen esateko ezin izan zutela, ezin dutela eta ezingo dutela"
"Garai zailak bizi ditugu, eta are ilunagoak etor daitezke, baina herri honek eta nazio askapen mugimenduak badakite zer den hori. Frankismoari, torturari eta gerra zikinari eurre egiteko gai izan ginen, estrategiaz aldatu eta ziklo politiko berri bat irekitzeko, eta gai izango gara herri hau independentziara eta sozialimora eramateko ere", azpimarratu du Sortuko idazkari nagusiak.
Begoña Gomez ez da aurkeztu epailearen aurrean, herri-epaimahai batek epaitzeko prozesuaren baitan
Espainiako Gobernuko presidentearen emaztea herri-epaimahai batek epaitu ahal izateko izapidea zen, ustez diru publikoa bidegabe erabiltzea egotzita. Cristina Alvarez, Gomezen aholkularia, eta Francisco Martin, Gobernuaren ordezkaria Madrilen, ere ez dira aurkeztu.
EAJk igande honetan Alderdi Eguna ospatuko duen zelaietan egon dira goizean Pradales eta Esteban
Igande honetan 49. edizioa izango duen Alderdi Egunean zentralitatea aldarrikatuko dute jeltzaleek. Forondan egingo dute ekitaldia, "Batzen gaituzten hariak" lelopean.
Txiki eta Otaegiren "faxismoaren aurkako borroka" babestu du EHKSk fusilamenduen 50. urteurrenean
EHKSk ekitaldi politikoa egin du gaur eguerdian Zarautzen, "Atzoko eta gaurko faxismoaren aurka", Juan Paredes 'Txiki' eta Angel Otaegi ETAko kideen fusilamenduaren 50. urteurrena dela eta. Frankismoaren kontra borrokatu zirenei omenaldia egin eta gaur egun ere borroka antifaxista beharrezkoa dela nabarmendu dute ekitaldian.
Eneko Andueza: "Hilda daude batzuen independentzia nahiak"
Eneko Andueza PSE-EEko idazkari nagusiak estatutuari buruz hitz egin du Durangon egin duten Arrosaren Jaian. Euskal sozialisten buruak argi utzi du ez dutela "identitateen estatutu bat" babestuko.
PSE-EE "Euskadi gidatzeko prest" dagoela aldarrikatu du Anduezak
EAEko sozialisten idazkari nagusiak gobernu maila guztietan duten papera nabarmendu du, eta egonkortasun, aurrerapen eta kohesio aro berri baten buruzagitza hartzeko gaitasun handiena dutela esan du.
50 urte Txiki eta Otaegi fusilatu zituztela: senideek memoria eta aitortza aldarrikatzen dituzte
Mende erdi joan da frankistek Jon Paredes Txiki eta Angel Otaegi fusilatu zituztenetik. Urte horietan guztietan, haien senideek lan gogorra egin dute memoria ez galtzeko. Instituzioek oso ahaztuta izan dituztela esan dute; izan ere, bi gazteak ez zituzten biktimatzat aitortu 2012. urtera arte.
Alderdi politikoek beren ikuspuntua eman dute Txiki eta Otaegiren fusilamenduaren 50. urteurrenean
Frankismoaren biktimak direla esan dute EAJk eta PSE-EEk, baina terrorismoa ez lausotzeko eskatu dute. EH Bilduk haien memoria defendatu du, frankismoaren aurkako borrokaren "erreferente" gisa, eta PPk eskatu du egin zituzten "krimenak" gogoratzeko.
Zarauzko eta Azpeitiko udalek Txiki eta Otaegiren aitortza ekitaldiak egin dituzte
Zarautzen ostiral honetan eta Azpeitian ostegunean aitortu dituzte Frankoren diktaduran fusilatutako bi gazteak, eta adierazpen instituzionalak irakurri dituzte "egin zitzaien injustiziaren aurrean elkartasuna eta gizatasuna” adierazteko.
EAEko Auzitegi Nagusiak eta Jaurlaritzak epaitegietako plantilla handitzeko eskatu dute, “gainezka daudelako”
Lehendakariak eta Auzitegi Nagusiko presidenteak EAEko epaitegien saturazioa salatu dute urte judizialaren irekiera ekitaldian. Justizia ministroak iragarri du Espainiako Estatuan hiru urtean 2.500 plaza sortuko direla.