Carlos Iturgaitzek ez du EAEko PPren buru izaten jarraituko
Carlos Iturgaiz EAEko PPko presidenteak astearte honetan adierazi duenez, alderdia zuzentzen hasi zenean ezarri zituen "helburuak beteta", "erreleboa emateko" eta beste pertsona bat alderdiaren buru izateko unea iritsi da. Litekeena da Javier de Andres Arabako ahaldun nagusi ohia izatea lider berria.
Bihar, asteazkena, EAEko PPren Zuzendaritza Batzordeak premiazko bilera egingo du asteazken honetan, 2017tik egin ez duten ezohiko kongresua deitzeko. Egungo presidentearen ordezkoa izendatuko dute bertan.
Onda Vascan egindako elkarrizketan Iturgaitzek esan duenez, PPk Euskadin alderdiaren agintea hartzeko eskatu zionean "trena errailetatik kanpo zegoen eta berriz ere martxan jarri beharra zegoen".
Presidentearen arabera, EAEko PP "indartsu, batuta eta egonkor dago" gaur-gauzkoz, eta "euskal hauteskundeak deitu arte talde parlamentarioko presidente" izaten jarraituko duela azpimarratu du, "Aste Santua baino lehen", ziur asko.
Iturgaizek bere "aletxoa" jarri duela esan du, eta EAEko PP "garrantzi gutxiko alderdia izatetik garrantzia izatera" igaro dela; izan ere, azken hauteskundeetan gora egin du zinegotzietan, batzarkideetan eta Gipuzkoako Batzarretan, Gasteizko Udalean eta Durangon, besteak beste.
Bere kabuz hartutako erabakia izan dela nabarmendu du, eta Alberto Nuñez Feijoo PPko presidentearekin hitz egin ondotik, hauteskundeak eta inbestidura igaro arte zain zegoela. Ikusteko dago, beraz, nork ordezkatuko duen, baina kiniela guztiek Javier de Andres Arabako ahaldun nagusi ohiaren alde egin dute.
Zure interesekoa izan daiteke
Extremadurako bozek hauteskunde ziklo berri bat abiatuko dute gaur Espainiako Estatuan
09:00etan zabaldu dituzte hauteslekuak. 890.985 herritarrek dute botoa emateko eskubidea: 556.424k Badajozen eta 334.561ek Caceresen. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa jasoko du. Voxek eta Unidasek, aldiz, gora egingo dute, inkestek iragarritakoa betez gero.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.