Zupiria: "Akordio ugariko legegintzaldia izan da"
Bingen Zupiria Eusko Jaurlaritzaren bozeramaile eta Kultura eta Hizkuntza Politikako sailburuak azpimarratu du egungo legegintzaldia "akordio ugarikoa" izan dela, gehiengo osoa izan arren oposizioko alderdien botoak lortu dituztelako bozketa askotan.
Radio Euskadin egindako elkarrizketa batean, eta hilabete gutxi barru amaituko den legegintzaldiaren balantzea egite aldera, esan du EAJk eta PSE-EEk adostutako gobernu programaren "betetze maila altua" izan dela, eta "gizartearen garapenerako oinarriak" jarri direla zenbait legerekin: enpleguarena, hezkuntzarena, etab.
Gobernuko kideen arteko harremanari dagokionez, Zupiriak esan du "leialtasuna" nagusitu dela alderdi bateko eta besteko sailburuen artean, "lotzen gintuen akordio bat baikenuen".
Eneko Andueza PSE-EEren buruzagiak EAJrena "agortuta" dagoen eredua dela esan izanaren aurrean, erantzun du hala iritzi badio "birpentsatu" egin beharko lituzkeela "aliantzak", nahiz eta hitz horiek "hauteskunde lehiaren testuinguruan" kokatu, balantzean baino gehiago.
Espainiako Gobernuari dagokionez, adierazi du konpromisoak beteko dituzten "itxaropena izatera behartuta" daudela, eta "datozen hilabeteotan gure autogobernuaren garapenari buruzko albiste onak" izatea espero duela.
Hala eta guztiz ere, aurreko legegintzaldian Pedro Sanchezen Exekutiboarekin izandako harremanak ez dituela "ase" azpimarratu du, konpromiso asko ez direlako bete.
Bere alderdiaren barruan, EAJn, egiten ari diren berritze prozesuaz argitu du ez dutela iradoki nahi "60 urtetik gorakoek ez dutela balio", baizik eta azken urteetan "EAJ eta bere erakundeetako ordezkaritza zuzendu duen belaunaldiak aldaketa eskatu duela, jende berria sar dadin alderdiaren aginte organoetan eta erakundeetan".
Azkenik, hilabete edo hilabete eta erdi barrurako espero omen du euskararen normalizaziorako dekretua, legea egungo egoerara egokitzeko, euskaldun kopurua "nabarmen hazi" baita.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere ez"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".