EAJk eta PSE-EEk berretsi dute oposizioak ez zuela aurrekontuak adosteko "borondaterik"
EAJk eta PSE-EEk berretsi dute oposizioak ez duela "borondaterik" izan datorren urteko EAEko aurrekontuak adosteko garaian. EH Bilduk, Elkarrekin Podemosek eta PPk erantzun dute "inertzia eta kontinuismoa" zeriela kontuei.
Radio Euskadiko "Parlamento en las ondas" saioan, EAJren eta PSE-EEren babesarekin soilik onartu dituzten 2024ko aurrekontuak izan dituzte hizpide, beste gai batzuen artean.
Aitor Urrutia EAJren legebiltzarkideak azpimarratu du PSE-EErekin egindako gobernu-akordioa betetzeko aurrekontuak direla, eta "politika sozialetarako 10.000 milioi euro baino gehiago" bideratu dituztela.
Horren esanetan, aurrekontuak onartzeko prozesua "ohikoa" izan da, eta "hasieratik" ikusi dute "akordioak lortzea zaila izango zela". "Akordioak adosteko borondate falta egon da, eta ereduak aurrez aurre daudela irudikatu nahi izan dute. Azken aurrekontuak ziren, gehiengo osoa genuen, eta norberak bere kartekin jokatzen du", gehitu du.
EH Bilduko Mikel Oterok erantzun dio "EAJk nahi izan ez duelako" ez dela egon negoziaziorik. Oteroren ustez, Jaurlaritzak "ez du inor erakartzeko gaitasunik izan", eta "oposizioaren proposamenak errefusatu ditu". "Betikoa dira; diru gehiago, diru gehiago bildu delako, baina ideia berririk gabe. Egiturazko arazoek hor jarraitzen dute", kritikatu du, eta Jaurlaritzak hasiera-hasieratik "ez du negoziatzeko inolako interesik izan", erantsi du.
Gloria Sanchez PSE-EE gobernukideko legebiltzarkideak aitortu du ez direla sozialistek euren kasa aurkeztuko lituzketen aurrekontuak, baina "gobernu-programan adostutako lehentasunak" jasotzen dituela esan du.
Iñigo Martinez Elkarrekin Podemos-IUko kideak ohartarazi duenez, "aurrekontuak ez dira soilik pisuaren arabera neurtzen", "diseinatzen ari diren herrialde ereduaren arabera" baizik.
Azkenik, Carmelo Barrio PPren legebiltzarkideak esan du aurrekontuak "kontinuistak" direla, eta, horren hitzetan, "ez dira egokitzen gaur egungo behar eta testuingurura".
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.