Garrido: "Sanchezen Gobernuak hainbat delitu despenalizatu ditu eta horiek Zigor Kodean sartu behar dira"
Atzo, PPk amnistiari buruzko lege-proposamenari zuzenketa aurkeztu eta biharamunean, Laura Garrido legebiltzarkide popularrak ez du argitu bere alderdiak egindako proposamenak erreferendum deialdiak eta independentzia aldarrikatzen duten eragileak desegitea ekarriko lukeen. Dena den, Sanchezen Gobernuak hainbat delitu "despenalizatu" dituela salatu du eta horregatik uste du "komenigarria" dela ekintza batzuk delitu bezala jasotzea Zigor Kodean eta beste batzuk indartzea. Ezustekorik ezean, Amnistia legea aurrera aterako da Espainiako Diputatuen Kongresuan, baina izapidetzea atzeratu nahi du Alderdi Popularrak.
Euskadi Irratiko "Faktoria" saioan egin dioten elkarrizketan, PSNk Iruñeko alkatetza EH Bilduri eman izana deitoratu du. Pedro Sanchezek eta Alderdi Sozialistak EH Bilduren inguruan esaten dutenak ez du inolako baliorik eta sinesgarritasunik Laura Garridoren arabera. Ildo horretan, azpimarratu du hainbat aldiz esan dutela ez dutela itunik sinatuko koalizio abertzalearekin eta azkenean kontrakoa egin dutela.
2024an egingo diren Eusko Legebiltzarrerako hauteskundeei begira, alternatiba bakarra Alderdi Popularra dela nabarmendu du. Horren iritziz, EAJ, EH Bildu, Alderdi Sozialista eta Podemos bat eginda daude Madrilen eta "hemen politika berberak" egiten dituzte.
Bestalde, osasun arloko profesional gabeziari aurre egiteko, Europar Batasunetik kanpoko mediku eta erizainak kontratatzeko zabaldu duen aukera defendatu du Garridok. Euskadiko Alderdi Popularrean osasun gaietarako arduraduna ere badenak euskara-eskakizun mailarekin lotu du Osakidetzan dagoen profesional falta. Horren esanetan, euskara ez zekiten Araba, Bizkaia eta Gipuzkoako profesionalak kanpora joan dira eta estatuko gainontzeko erkidegoetatik ez dira EAEra etorri arrazoi beragatik. Horrez gain, Osakidetza ez dagoela ondo salatu du eta, besteak beste, mediku falta eta plangintza falta dagoela aipatu du.
Albiste gehiago politika
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.