Azpeitiko epaitegiak, behin-behinean, artxibatu egin du Bidegi auziko lehen kereila
Azpeitiko 2. Instrukzio Epaitegiko epaileak, behin-behinean, artxibatu egin du Bidegi auziko lehen kereila. AP-1 autobideko obretan diru publikoa bidegabe erabili zela eta gainkostuak egon zirela salatu zuen EH Bilduk 2014an, eta horrek Foru Aldundiari kalte ekonomikoa eragin ziola.
Bederatzi urteren ostean, instrukzio epailearen iritziz, ez dago frogatuta inolako deliturik egin izana (diru publikoa bidegabe erabiltzea eta dokumentuak faltsutzea), hura dokumentatzeko aurkeztutako txostenetan oinarrituta.
Epailearen autoaren arabera, akusazioak aurkeztutako txostenak "erlatiboak" eta "osatugabeak" dira, eta egiaztatutzat jo du obraren azken likidazioan ez zela diru publikoaren desbideratzerik egon.
Orain, Azpeitiko epaitegiak lehen kereila behin-behinean artxibatzea erabaki du, beste kereilarekin egin bezala. Orduan, EH Bilduk helegitea aurkeztu zuen Gipuzkoako Lurralde Auzitegian, eta bigarrenarekin ere gauza bera egin dezake.
Gipuzkoako Foru Aldundiaren balorazioa
Gipuzkoako Foru Aldundiak gaur goizean zabaldu duen oharraren arabera, Maria Ubarretxena Bide Azpiegituretako diputatuaren ustez, prozesu honen itxiera gertuago dago. Ebazpenak "Aldundiaren eta Bidegiren funtzionamendu ona eta zuzentasuna berretsi du", horren iritzian, eta baita "AP-1aren eraikuntza bultzatu zuten arduradun tekniko eta politikoena ere".
"Bederatzi urte luzeren ondoren, aurkari politika kaltetzea besterik bilatzen ez zuen prozesu baten amaierara hurbiltzen ari gara, erreparatu ezin den kaltea eragin diena pertsona gehiegiri", gaineratu du.
Albiste gehiago politika
Konstituzionalak amnistia babesteko arrazoiak: Kataluniako prozesu independentista "krisi politikoaren kasu paradigmatikoa" izan zen
Konstituzionalak ezustekorik gabe atzera bota du PPk aurkeztutako helegitea, baina ebazpenak berrikuntza batzuk ditu, besteak beste, amnistia justifikatzeko arrazoibidea sendotzea.
2030erako Turismo Plan Estrategikoak Gipuzkoaren eta lurraldean bizi diren pertsonen zaintza du ardatz
'Zatoz eta zaindu' goiburua duen planarekin, "bizikidetza osasuntsua" bultzatu da turismoaren esparruan, izan ere, BPGren % 8,4 dagokio sektoreari eta 40.000 familia baino gehiago enplegatzen ditu. Bost ardatz estrategikotan sostengatzen da Aldundiak diseinatutako plana.
Bilbok Basque Segurtasun Foroaren lehen jardunaldia hartuko du astelehenean, Euskadiko segurtasuna birdefinitzeko
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute.
1978ko sanferminetako dokumentuak desklasifikatzeko eskatu du Kongresuak
EH Bilduk bultzatutako legez besteko proposamenak 1968ko Sekretu Ofizialen Legea aldatzea eskatzen dio Jaurlaritzari, baita gertatutakoa argitzen eta biktimak aintzatesten laguntzea ere.
Babes-helegiteak ebatzi arte zain egon beharko dute Puigdemontek eta Junquerasek
Konstituzionalak Amnistiaren Legea babestu izanak ez du bi politikarien egoera praktikan aldatzen. Presidente ohiaren abokatuak hurrengo egunetan helegitea jarriko duela adierazi du. Junquerasek, berriz, jarrita dauka berea, eta Konstituzionalaren pausoa txalotu duen arren, salatu du Auzitegi Gorenak ez duela legea aplikatu nahi.
Martinezek eragile politiko eta sozialen "konpromisoa" eskatu du Osasun Ituna adostasun zabalarekin ixteko
Alberto Martinez Osasun sailburuak osasun itunaren inguruan duen "baikortasuna" berretsi du, eta prozesu horretan parte hartzen duten eragile guztien "konpromisoa" eskatu du, ostiral honetan akordio bat ixteko.
Espainia "herrialde subiranoa" dela erantzun dio Sanchezek Trumpi, eta muga-zerga "bidegabeak" kritikatu ditu
Pedro Sanchezek NATOren goi-bileran berretsi duenez, Hagan, Espainiak ez du BPGaren % 2,1 baino gehiago gastatuko Defentsan. Trumpek Gobernuarekin merkataritza akordio bat zuzenean negoziatzeko mehatxua egin zuen, eta herrialdeari "bikoitza ordainaraziko" diola esan du, egoera "konpentsatzeko".
Auzitegi Konstituzionalak Amnistia Legea babestu du, magistratu aurrerakoien aldeko botoekin
PPren helegiteari erantzuna emateko bozkatu dute, eta ebazpen-testuak dio Espainiako Konstituzioan amnistiak tokia duela, eta Amnistia Legea ez dela "arbitrarioa", ezta "kapritxoa" ere.
Amnistia Legea "ezarriz gero" PSOEri botorik ez emateko mehatxua egin du Felipe Gonzalezek
Espainiako Gobernuko presidente ohiaren ustez, araua "barrabaskeria" izateaz gain, "lotsagarria" da edozein demokratarentzat. Eskuinaren "argumentarioa erostea" leporatu dio Patxi Lopezek Gonzalezi, eta alderdian zer egiten duen planteatzeko eskatu dio.
Albiste izango da: Amnistia Legearen bozketa, NATOren berrarmatzea eta bero-bolada larunbatetik aurrera
Gaurkoan albiste izango direnen laburpena, bi hitzetan.