Feijoo: "Biziraute politikorako operazioa jarri du martxan Sanchezek"
"Biziraute politikorako operazioa jarri du martxan Sanchezek, eta, bide batez, epaileak eta kazetariak beldurtzeko aprobetxatu du abagunea". Alberto Nuñez Feijoo PPko presidenteak egin ditu adierazpenok, atzo, Pedro Sanchez Espainiako Gobernuko presidenteak iragarritakoaren ondoren egin duen agerraldian.
Gogor hitz egin du Feijook, Sanchezen erabakiak Espainia osoa "lotsagorritu" duela esanez. "Bost egun hartuko dituela esan du hausnartzeko. Bost urte daramatza bere buruari begira. Nahikoa da. Inork ezin ditu bere ardurak alboratu, eta, are gutxiago, Espainiako presidenteak", azaldu du. "Lawfare delakoaren bozeramaile bihurtu da Sanchez".
Kofidantza-galdea bada buruan daukana, buruzagi popularrak ohartarazi du "independentistek beren interesak asetzeko erabiliko dutela hori. "Independentismoa beti ari da negozioa egiten, eta Espainiako historiako presidente ahulenaren aurrean, negozio hori bermatuta dago", gehitu du.
Astelehenean Sanchezek karguan jarraituko duela iragartzea espero du Feijook, baina uste du "azkenean bera bakarrik eroriko" dela. Erruki bila dabilen nerabe baten jarrerarekin alderatu du presidentearena. Egoera bideratzeko modu bakarra, erantsi du, Espainiako gobernuburuak herritar guztien aurrean azalpenak ematea da, "alderdiari, Gobernuari eta ingurukoei eragiten diten eskandaluei buruzko azalpenak".
Eta buruzagi popularra hitzok esaten ari zen bitartean, Gomezen kontra irekitako ikerketa artxibatzeko eskatu du Madrilgo Probintzia Fiskaltzak.
Zure interesekoa izan daiteke
Rosa Zarra omentzeko plaka jarri du Donostiako Udalak, gomazko pilota batek hildakoaren omenez
Dagoeneko 37 plaka jarri ditu Udalak, "espazio publikoan ikusgarritasuna emateko hirian bizia galdu zuten terrorismoaren eta motibazio politikoko indarkeriaren biktimei".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Bestalde, EH Bilduk eta Sumarrek "koherentzia" eskatu diete, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.