EAJ-PSE gobernua "akordio handi bat josteko aukera galdu bat" da, Otxandianoren aburuz
A21eko hauteskunde egunetik prentsa aurrera agertu gabe zegoen Pello Otxandiano EH Bilduren lehendakarigaia, eta ostiral honetan egin du, hain justu, hauteskundeen emaitzen eta gaurkotasun politikoaren irakurketa. Azaldu duenez, "astelehenean bertan" geratu zen agerian EAJk eta PSE-EEk kanpainan zehar egindakoa "eszenifikazio hutsa" zela eta koalizio gobernua osatzeko "erabakia hartuta" zegoela. EH Bilduko buruzagiaren aburuz, bi alderdien arteko ituna "aukera galdu bat" izango da "momentu historiko honetan", eta "garai zailak" datozenean, "akordio handi bat josteko herri-proiektu baten inguruan".
Otxandianok egindako irakurketaren arabera, emaitzek "bi gehiengo oso argi" marraztu dituzte: gehiengo subiranista "historikoa", 54 legebiltzarkideren babesa izango lukeena (EAJ+EH Bildu), eta ezkerreko gehiengo "osoa", 40 ordezkari bilduko lituzkeena (EH Bildu+PSE-EE+Sumar). Biak ala biak "ez dira posible EH Bildu gabe", nabarmendu du, eta erantsi duenez, horiek artikulatzeko "EH Bildurekin hitz egin behar da". Hori bai, horren ustez, "hauxe da momentua hitz egiteko"; izan ere, jeltzale eta sozialisten arteko gobernuak "hipoteka asko" izango ditu, horren arabera, eta ohartarazi duenez, "ondoren ez duena balio da EH Bilduri exijitzea hipoteka horiek partekatzea edo bere gain hartzea".
EH Bilduk EAEko hauteskundeetan lortutako emaitza "historiko" eta "izugarri onak" direla-eta eskerrak emanez hasi du prentsaurrekoa Otxandianok. "Mapa politikoa aldatu da" eta "herri mandatua betetzeko momentua da", horren hitzetan. Ifrentzuan, "badago beste aukera bat: orain arteko berdina egiten jarraitzea. Hipoteka askorekin osatutako gobernua izango da, ez dituena artikulatuko bi gehiengo horiek, eta bazter utziko duena 2. indar politikoa, eserlekuetan 1.arekin berdinduta dagoena".
Otxandianok aitortu du jeltzale eta sozialisten arteko koalizio gobernua "posiblea eta demokratikoa" dela, "baina ez da herri honek behar duena". Are gehiago, oso kritiko azaldu da EAJk bilera sorta ere deitu ez duelako. "Ulergaitza egiten zaigu, eta kezkagarria iruditzen zaigu, ez direlako demokrazia parlamentarioaren ohiko ohiturak ere zaindu. EH Bilduk botoetan irabazi izan balu, biharamunean 2. eta 3. indarrei deituko nieke, zalantzarik gabe".
Egoera gorabehera, EH Bilduren lehendakarigaiak azpimarratu du koalizioak "insistitzen" jarraituko duela "gobernantza kooperatibo bat" proposatuz, eta EH Bilduk EAJrekin eta PSE-EErekin "elkarguneak" izan badituelako.
Pedro Sanchezek astelehenean har lezakeen erabakiaz galdetuta, Otxandianok esan du ez duela espekulatuko. Dena dela, argi utzi du EH Bildu "oso kontziente" dela Sanchezen gobernua erorarazteko "eskuin muturraren estrategia" zein den. "Oso ondo dakigu zer den lawfarea", esan du.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.