Estatutu berri baterako EAJren eta PSE-EEren arteko ituna 2025ean onartu daitekeela uste du Ortuzarrek
EAJk eta PSE-EEk Estatutu berri bat onartzeko konpromisoa hartu dutela ezagutu eta biharamunean, Andoni Ortuzar EAJren EBBko presidenteak adierazi du Estatutu itun berria 2025a amaitzerako onartu daitekeela, beti ere, "borondatea" baldin badago. Jeltzaleek eta sozialistek Eusko Jaurlaritza osatzeko lortu duten aurreakordio programatikoan jasota dago, hain zuzen ere, Estatutu berri bat onartzeko konpromisoa betiere bere "eskumenen eta indarrean dagoen legediaren barruan".
Radio Euskadin egin dioten elkarrizketan azpimarratu duenez, Pedro Sanchezen inbestidura akordioaren baitan EAJk eta PSOEk autogobernuaren arloan adostutakoak bidea erraztu du orain PSE-EErekin.
Autogobernuari buruzko akordio horretan "alderdi guztiak" egotea gustatuko litzaiokeela onartu du Ortuzarrek. Ildo horretan, EH Bildu eta Sumar batu daitezkeela uste du, baina zail ikusten du PP gehitzea.
Behin Euskal Autonomia Erkidegoan (EAE) "babes zabala" izango duen testu bat lortuta, ez du uste arazorik egongo denik gaur egungo Espainiako Gorteek Estatutu berriari oniritzia emateko.
Edozein kasutan, Ortuzarren ustez, Gernikako Estatutuan oraindik transferitu gabe dauden eskumenak "alde batera utzi gabe" egin beharko litzateke prozesu hori. Are gehiago, hauteskunde hitzorduak igarota, transferentziak "azkartu" egin behar direla uste du.
Eusko Jaurlaritza berriaren egituraz galdetuta, sailen banaketa eta sailburuen izenak ekainaren 22an ezagutaraziko direla adierazi du Ortuzarrek, Imanol Pradales lehendakaria izango denak Gernika karguaren zina egin ondoren.
Azkenik, Ortuzarrek sinesgarritasuna kendu dio Estatu mailako bozetan "herri gisa" aurkezteko EH Bilduk EAJri egindako eskaintzari.
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.