Otegik "joera estruktural baten" baitan kokatu ditu Europako hauteskundeetan EH Bilduk lortutako emaitzak
Arnaldo Otegi EH Bilduko koordinatzaile nagusia pozik agertu da koalizio subiranistak Europako hauteskundeetan lortutako emaitzekin —280.000 botorekin, lehen indarra izan da EAEn, eta hirugarrena, Nafarroan— eta emaitzok "joera estruktural" baten baitan kokatu ditu.
"Europako hauteskundeetako emaitzak bat datoz ziklo elektoral osoan izandako arrakastarekin: azken hauteskunde guztietan igo egin gara, eta joera estruktural baten aurrean gaude: ezker independentista geroz eta indartsuago dago Euskal Herrian", azaldu du.
Ekainaren 9rako hauteskundeen emaitzen balorazioa egin du goizean EH Bilduren Mahai Politikoak, eta ondoren, prentsa aurrera azaldu da Otegi.
Kazetarien galderei erantzunda, EH Bilduren koordinatzaile nagusiak argudiatu du, emaitzei erreparatuta, "baten batek gogoeta" (EAJri zuzenduta) egin beharko lukeela, eta jeltzaleei datozen Espainiako Estatu mailako bozetan "herri gisa" aurkezteko eskaintza egin dio berriro —kanpaina betean egin zion proposamena EAJri—. "Espainiako hauteskunde orokorretan edo Europako hauteskundeetan zer zentzu dauka gure arteko lehiak? Ez bakarrik EAJ eta EH Bilduren artean, baizik eta Euskal Herria nazio bezala ulertzen dutenen edo erabakitzeko eskubidea defendatzen dutenen artean", galdetu du.
Horren ildoan, EH Bilduren "arrakastaren sekretua" hori dela iritzi dio: "Lehenengo aberria, gero alderdia". Nabarmendu duenez, koalizio subiranistak ez du "politika konbentzionala egiten eta printzipio eta baloreak mantentzen ditu". Hala, uste du zintzotasun horrek "saria jaso" duela euskal herritarren partetik.
Europako egoera politikoari buruzko analisia ere egin du Otegik. Buruzagi independentistarentzat "oso kezkagarria" da eskuin muturraren igoera, baina baita "eskuin muturrari markoak erosten dizkion Europa"ren jarrera ere.
Azkenik, berretsi du EH Bilduren koordinatzaile nagusirako bere burua aurkeztuko duela.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.