Estebanek uste du Estatuak betebeharrak dituela Kanarietan
Aitor Esteban EAJren Kongresuko bozeramaileak uste du Espainiako Gobernuak eginbeharrak bete behar dituela Kanaria Uharteetan migratzaileen iritsierari aurre egiteko. Horregatik, ulertu egiten du bertako Gobernuaren erreakzioa, baina PPri (gobernuaren parte denari) irtenbidean ez laguntzea eta "ikuskizun politika" egitea leporatuz.
Radio Euskadin egindako elkarrizketa batean, bozeramaile jeltzaleak gogorarazi du Estatuak eskumenak dituela mugei dagokienez, baina iristen diren adingabeen arduraduna ere badela, eta berak izendatu behar dituela tutoreak.
Horren harira, eta PPri erantzunez (EAJren migrazio politikek migratzaileak erakartzen dituztela egotzi zion), esan du Jaurlaritzak "Europako itunak eta nazioartekoak, legedia eta eskumenak" betetzen dituela, eta "politika humanitarioa" egiten saiatzen dela.
Ordezkari jeltzaleak onartu du, hala ere, uneren batean "gogoeta" egin beharko dela "Estatu osoan, hau guztia nola antolatu ikusteko".
Azken egunotako polemikaren ostean EAJk PPrekin duen harremanaz galdetuta, esan du elkarrizketa beti dagoela irekita, baina ez dutela ulertzen "gai askotan Voxengana gerturatzeko duten seta". Estebanek jokabide zuzenetik "oso urrun" ikusten ditu popularrak.
Izan ere, diputatu jeltzaleak uste du PP "aurrez aurrekoak" bilatzen ari dela, "estatu mailako hauteskundeak" dituela jomugan, Alberto Nuñez Feijoo alderdiaren buruari "ziurrenik alderdi barruko denbora agortzen" ari zaiolako.
Kataluniako finantzazio berriaren akordioaz galdetuta, Euskal Kontzertu Ekonomikotik bereizi nahi izan du, "PSOEren eta ERCren arteko akordioaren sakoneko elementuetan aldeak" daudelakoan. Gainera, argi du horrekin ez dela "Kataluniaren arazo nazionala amaitu", eta Estatua "oker" dagoela hala dela pentsatzen badu.
Azkenik, alderdia berritzeko prozesuaz, azpimarratu du prozesua irailaren amaieran hasiko dela, eta "ezer ere ez" dagoela uneotan, Euzkadi Buru Batzarraren presidente izateko aukera ere ez dagoela orain mahai gainean.
Epeak errespetatzeko deia egin du, "kide guztien parte-hartzea duten prozesuak luzeak" direlako, eta aitortu du "zuzenketak" egin behar dituztela barne komunikazioan, eta "koadroak berritu".
CONTENIDO NO ENCONTRADO
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.