Lehendakariak deia egin du Estatuarekin "aldebiko itun politiko" berria adosteko, Kontzertua oinarri hartuta
Imanol Pradales lehendakariak nabarmendu duenez, "ausartak" izateko unea iritsi da eta, "aurrez aurre dugun aukera aparta baliatuta", Espainiako Estatuarekin "aldebiko itun politiko" berria adostekoa. Horren aburuz, akordioak "nazio errealitatea" aitortu eta Ekonomia Itunaren eredua izan behar du oinarri "autogobernuan, elkarbizitzan eta ongizatean hazteko".
Forum Europa Tribuna Euskadi gosari informatiboan hitzaldia eman du lehendakariak. EAEk Estatuarekin duen aldebiko harremanaren ideia izan du ahotan, eta hartu-emana "elkarrekiko aitortzan" oinarritzen dela azpimarratu. "Ezein aldek ezin dio besteari haren borondatea inposatu. Hitz egin, negoziatu eta adostu beharra dago, bien onerako", nabarmendu du.
Hain justu, kezka agertu du Kataluniako finantzaketa ereduaren eztabaidan entzundakoekin. "Mezu bidegabeak, oinarri bakoak, eta asmo txarrekoak entzuten ditugu euskal autogobernuaren muina eta berezitasuna denaren aurka, hots, Ekonomia Itunaren aurka".
Pradalesen iritzian, adostu beharreko "itun handi" horrek hiru helburu ditu: Autogobernua bermatu eta eguneratzea, Gernikako Estatutua bere osotasunean betetzea, eta etorkizuneko estatutu itun berri bat lortzea, "euskal gizartearen eskubide eta beharrizanei erantzuten lagunduko diguten eskuduntzak jasotzeko".
Horren harira gogorarazi duenez, hauek dira jarraitu beharreko pausoak: Euskadin zein Estatuan ituna negoziatu eta ahalik eta adostasun handienarekin onartzea, eta euskal herritarrek erreferendumean berrestea.
"Itun berri honek Estatuarekin duen aldebiko harremana finkatu behar du, gure errealitate nazionala eta gure autogobernuaren berezitasuna aitortu eta adostutakoa beteko dela bermatzeko sistema ezarri".
Hala, defendatu duenez, Ekonomia Itunaren eredua "aukera" da, "Euskadiren eta Estatuaren arteko harreman instituzional eta politikoetan marko juridiko berria aplikatzeko".
Kazetarien galderei erantzunda eta Euskal Y-aren Nafarroako lotunearen ika-mikaz itaunduta, lehendakariak esan du "garrantzitsuena" ez dela lotura nondik egingo den, noiz egingo den baizik. Hori horrela, presarazi ditu txosten teknikoa egin behar duten horiei, AHTa "behingoz" EAEra irits dadin. "Tren hau galtzen badugu, herri honen etorkizunaren garapen sozio-ekonomikoaren trena galtzen ariko gara", ohartarazi du.
CONTENIDO NO ENCONTRADO
Azkenik, Venezuelako egoera ahotan, lehendakariak Nicolas Maduroren "erregimen autoritarioa" salatu du, eta arduratuta agertu da Euskadin hura "defendatu eta txalotzen dutenekin".
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.