Nafarroako gastu-muga 5.975 milioi eurokoa izango da 2025erako, % 2,4 gehiago
Nafarroako gastu-muga 5.974,8 milioi eurokoa izango da 2025erako, aurten baino 139 milioi (% 2,4) gehiago, Jose Luis Arasti Ekonomia eta Ogasun kontseilariak ostiral honetan jakitera eman duenez.
Estatuari eman beharreko 874 milioi eta Toki Ogasunen Funtsetara bideratu beharreko 331 milioi kenduta, gainerakoa (4.770 milioi, 2024an baino % 1,8 gehiago) Nafarroako Gobernuko departamentuen artean banatuko da.
Kontseilariak prentsaurrekoan adierazi duenez, gastu-muga horrek "jarraipena ematen dio azken urteetan Nafarroako Aurrekontuek, nazioarteko testuinguruaren gorabehera ekonomikoak gorabehera, izan duten hazkundeari", eta aurreratu du Gobernua sail bakoitzak izango duen gastu-muga zehazten ari dela.
Gastu-muga ezartzeko prozedura
Muga finkatzeko prozesuan hainbat faktore hartu behar dira kontuan, hala nola Nafarroako Gobernuko departamentuen diru-sarrera ez-finantzarioen aurreikuspena (5.744 milioi euro) eta, bereziki, Foru Ogasunarena, zerga-sarrerei eta neurri fiskalen eraginari dagokienez; MRR funts europarren etorrera (1,9 milioi euro); defizitaren helburua, Estatuarekin negoziatu eta Foru Erkidegoko BPGaren % 0,3an kokatzen dena (ia 82 milioi euro termino absolutuetan); eta kontabilitateko doikuntzak, kasu honetan 148,6 milioi eurokoak.
Arastik azpimarratu duenez, hurrengo aurrekontuari begira helburuak "Nafarroako Gobernuak ezarri dituen lehentasunen ildoari eusten dio, hau da, gastu soziala indartzea eta baliabide publikoak hobetzea, erkidegoari sendotasun handiagoa emateko garapen ekonomikoari dagokionez".
Hori, kontseilariaren hitzetan, "Gobernu honen ezinbesteko beste helburu batekin uztartu behar da, hau da, baliabide publikoen kudeaketan zorroztasunari eta erantzukizunari eustearekin, horri esker kokatu baita Nafarroa Espainiako erkidego kaudimendunen artean".
Hurrengo urratsak
Gehienezko gastu-muga onartu ondoren, 2025erako Nafarroako Aurrekontu Orokorren aurreproiektua egiteko barne-prozesua hasiko da. Prozesu hori urriaren lehen hamabostaldian amaituko da, Nafarroako Gobernuak aurreproiektua onartzen duenean.
Behin aurreproiektua onartuta, testua Nafarroako Ekonomia eta Gizarte Kontseilura, Ingurumen Kontseilura eta Toki Araubideko Foru Batzordera igorriko da, irizpena eman dezaten, eta, azkenik, Gobernu bilkuran Foru Lege proiektu gisa onartuta, Nafarroako Parlamentura igorriko da, eztabaida dezaten.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.