Albiste izango dira: 'Koldo auzia', elikagaien bilketa handia eta Gabonetako argiak piztuko dituzte Gasteizen
Honako gai hauek hartuko dituzte gaur, 2024ko azaroaren 22an, hedabideetako lerroburu nagusiak:
- 'Koldo auzia': Victor de Aldama enpresariak, "Koldo auzia" delakoaren ustezko buruak, epailearen aurrean adierazi duenez, PSOEren Antolakuntza idazkariak, Santos Cerdanek, 15.000 euro zekartzan gutun-azal bat jaso zuen, orduko Garraio ministro Jose Luis Abalosi 250.000 euro eman zizkion, eta azken horren aholkulari izandako Koldo Garciari 100.000 euro. Komisioak ordaindu zituela deklaratu ostean, Santiago Pedraz Auzitegi Nazionaleko epaileak Victor de Aldama enpresaburua aske uztea erabaki du. Pedro Sanchezek asmakeriatzat jo ditu Aldamak esandakoak, eta frogak dituela erantzun dio enpresariak.
- Elikagaien Bilketa Handia: Elikagai bankuen bilketa kanpaina handia asteburu honetan egingo da, azaroaren 22an eta 23an. Laguntzeko hainbat modu daude: atxikitako supermerkatuetan elikagaiak eta produktuak emanda, ekarpen ekonomikoa eginda, eta boluntario gisa parte hartuta. Zer elikagai eman daitezke? Oinarrizko elikagaiak (esnea, olioa, pasta, arroza edo lekaleak), kontserba latak, edo haur txikientzako elikagaiak (esnea edo potitoak).
- Gabonetako argiak Gasteizen: Eguberrietako argiak piztuko dituzte Gasteizko Plaza Berrian, 18:00etatik aurrera. Ekitaldian izango dira Maider Etxeberria alkatea ez ezik, Zuzenak saskibaloi taldeko jokalariak eta Agurtzane Eguiluz, Naiara Rodríguez eta Laura Ugarte kirolari paralinpiko arabarrak. Halaber, Donostiako Udalak Gabonetako kanpaina aurkeztuko du 11:00etan udaletxean.
Albiste gehiago politika
Aburtok legealdia agortzeko asmo sendoa du
Eneko Goiaren agurraren berri izan ondoren, Bilboko alkateak adierazi du berak legealdia agortzeko asmoa duela. "Nik oraindik ia bi urte dauzkat aurretik gure lanarekin jarraitzeko. Momentu honetan ez dut urrunago begiratzen", esan du Juan Mari Aburtok.
Gorenak azaroaren 3a eta 13a bitartean epaituko du fiskal nagusia, eta Ayusoren kabineteburuak eta Lobatok deklaratuko dute
Gehiengoa duten zazpi magistratu kontserbadoreek eskatuta, Francesc Valles Komunikaziorako Estatu idazkari ohiak eta Pilar Sanchez Acera Moncloako aholkulari ohiak lekuko gisa deklaratuko dute.
Jon Insausti, udal kudeaketan eskarmentu handia duen gazte donostiarra
Jon Insausti, 36 urteko donostiarra, 2015etik da zinegotzia, enpresa pribatuetan hainbat esperientzia profesional izan ondoren. Enpresa Zuzendaritza eta Administrazioan lizentziaduna, Kultura, Euskara eta Turismo zinegotzia izan da azken urteotan.
Espainiako Gobernuak Konstituzioa erreformatzeko proposatuko du abortua eskubide gisa sartzeko
Gobernuko iturriek zehaztu dutenez, erreformak ezarriko du abortuaren arloan ematen den informazio guztiak "oinarri zientifiko objektiboa" izan behar duela, eta "nazioarteko erakundeen estandarrek" babestuta egon behar duela, hala nola Osasunaren Mundu Erakundearena (OME) eta Amerikako Psikiatria Elkartearena (APA)". "Oinarri zientifikorik gabeko teoriek, hala nola ustezko 'abortuaren osteko sindromeak', ez lukete lekurik sailkapen horietan", ohartarazi dute Exekutibotik.
"Ilusioa sortzen duen Donostia gaztetuaren alde" lan egiteko prest agertu da Jon Insausti
Donostiako alkate izango denak “esker ona” agertu du erakutsitako konfiantzagatik, eta uneotan “emozioa, ilusioa eta ardura” nagusi dituela esan du. “Erabakiak hartzeko eta erronkei aurre egiteko prest nago", nabarmendu du jeltzaleak.
"Donostiar euskaldun petoa" gisa definitu du GBBk Insausti
Euge Arrizabalaga GBBko presidenteak adierazi du Jon Insaustik "hiriaren ezagutza sakona" duela, baita "gaitasuna eta gogoa" ere.
GBBk konfirmatu du Jon Insaustik ordezkatuko duela Eneko Goia
EAJren Gipuzkoa Buru Batzarrak Jon Insausti izendatu du Donostiako alkate, Eneko Goiak urriaren 16an kargua utziko duela iragarri ostean.
Maria Chivitek dio lasai dagoela eta ez duela ezer ezkutatzeko Cerdan auzian
Eskuineko alderdien zirku bat iruditzen zaio guztia Nafarroako presidenteari. Bere esanetan, ustelkeria da oposizioak foru Gobernua eskuratzeko duen azken esperantza.
El Gobierno de España propone una reforma de la Constitución para incluir el aborto como un derecho
Según han detallado las fuentes del Gobierno, la reforma establecerá la obligación de que toda la información que se brinde en materia de aborto tenga "base científica objetiva" y esté respaldada por "estándares de las instituciones internacionales como la Organización Mundial de la Salud (OMS) y la Asociación Americana de Psiquiatría (APA)". "Teorías sin base científica como el supuesto 'síndrome posaborto' no tendrían cabida en estas clasificaciones", avisan desde el Ejecutivo.
Aburtok ere "arazo bat" ikusten du arma zurien erabilerarekin zenbait "kulturatan"
Bilboko alkateak onartu du segurtasuna dela bere lantaldearen "kezkarik handiena", eta "lan bateratua" egiteko deia egin du. Fiskaltzak eta epaileek ere "zeresan handia" dutela azpimarratu du, "zigorgabetasun sentsaziorik" ez izateko.