Bizkaiak "informazio gehiago" eskatu dio Eusko Jaurlaritzari, Metro Bilbaoko 4. linearen aldaketa aztertzeko
Bizkaiko Foru Aldundiak "informazio eta zehaztasun" gehiago eskatu dizkio Eusko Jaurlaritzari, metroaren 4. linea eraikitzeko proiektuaren aldaketa aztertzeko eta Moyuako geltokiaren bidez lotzeko, Abandotik egin beharrean.
EH Bilduk Bizkaiko Batzar Nagusietako kontrol saioan metroaren 4. linearen trazadurari eta aurrerapen mailari buruz hitz egin du asteazken honetan.
Koalizio suberanistak zalantzan jarri du eraikuntza proiektua idazteko zerbitzua urtebete atzeratzeko arrazoiak, eta, gainera, Aldundiak metroaren gainerako lineekin lotura egiteko aukerarik onena zein den jakin nahi izan du.
Erantzunean, Elixabete Etxanobe Bizkaiko ahaldun nagusiak Aldundiak garraio publikoarekin duen "konpromiso irmoa" adierazi du, eta Eusko Jaurlaritzari dagozkion trenbide arloko eskumenik ez duen arren, Aldundiak 4. linearekin duen "konpromisoari" eusten diola berretsi du.
Azpiegitura finantzatzen lagunduko dutela bermatu ostean, Aldundiaren helburua Enkarterriak "ahalik eta azkarren" lotzea eta Bilboko Errekalde eta Irala auzoei erantzuna ematea dela azpimarratu du. "Gure helburua lurralde kohesioa da", argudiatu du.
Hala ere, aitortu du Aldundiak Eusko Jaurlaritzaren "hasierako proposamena" baino ez duela ibilbidea aldatzeari dagokionez, eta horrek 4. linea Moyuako geltokiarekin lotzea ekarriko lukeela.
Eusko Jaurlaritzak proposatutako aldaketaren jatorria da adar berria ezingo litzatekeela martxan jarri Abandoko Abiadura Handiko Trenaren geltokiko lanak amaitu arte.
Etxanobek onartu duenez, Aldundiak "zehaztasun eta informazio gehiago" eskatu dizkio Eusko Jaurlaritzari, aldaketa "sakonki" aztertzeko eta bideragarritasun teknikoa eta ekonomikoa, ingurumeneko alderdiak eta eskariaren eta maiztasunen azterketak aztertu ahal izateko.
Iragarri du Bizkaiko Foru Aldundiaren ordezkariek datorren astean Metro Linea 4 plataformarekin bilera egingo dutela. "Horrekin guztiarekin erabaki egokiena hartuko dugu", amaitu du.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.