Aizpurua: "Kongresuan gehiengo alternatiboa osatzeko urratsak ematen ari da eskuina"
Espainiako Diputatuen Kongresuan eskuineko gehiengo alternatibo bat eraikitzeko "pausoak" ikusten ditu Mertxe Aizpurua EH Bilduk Diputatuen Kongresuan duen bozeramaileak, eta horren erakusle joan den astean enpresa energetikoen zerga berezia kentzeko EAJk, Juntsek, PPk eta Voxek bat egin izana jarri du. Uste du "oso arriskutsua" eta "arduragabekeria handia" dela gertatutakoa.
"Plenoaren ondoren PP eta Vox txaloka ikusteak" zer pentsatua eman ziola azpimarratu du. "Gehiengo alternatiboa ospatzen ari ziren. Prestatzen ari dira, eta gehiengo hori ez da Euskal Herriak behar duena", esan du. Ez du uste Juntsek eta EAJek jarrera aldatu dutenik, baina "lehen pausoak" izan daitezkeela iritzi dio. "Ikusi duguna da zerga energetikoaren inguruan EAJ, Junts, PP eta Vox nola alineatu diren. Ardatz hori martxan jarri da eta izan daiteke bide baten lehen pausoa".
Energia konpainien gaineko zerga bereziaren harira, Aizpuruak berretsi du "EH Bilduren helburua ere badela tasa hori zerga bihurtzea eta hemengo erakundeek biltzea", baina gogora ekarri du oraingoz ezin dela. Gaia lantzen ari direla esan ondotik, salatu du "ez dela arrazoizkoa zerga mantentzea", enpresa horiek euren irabaziak "bikoitzen eta hirukoizten" ari direla kontuan izanda. Interes "alderdikoiak" ikusten ditu atzean.
Bestalde, Espainiako Gobernuaren eta PSOEren kideen aurka zabalik dauden auzibideei buruz galdetuta, EH Bilduren diputatuak aitortu du "oso zaila" dela "anabasa" honetan, "prozedura guztiak" jarraitzea. Bere hitzetan, "bistakoa" da "estrategia bat" dagoela Espainiako Gobernu kontra eta "froga garbirik" ez dela erakusten. Nolanahi ere, azaldu du guztia "adi" jarraituko dutela, eta "ustelkeria kasurik balego", koalizioak bere jarrera berraztertuko lukeela. "Oraingoz, ez dago zantzurik hori hala dela esateko. Gobernu hau mantentzea ardura politiko ariketa bat da".
Azkenik, legealdi honetan EAEn autogobernua berritzeko aukera garbia ikusten du, eta zentzu horretan, Eusko Legebiltzarrean alderdi subiranistek duten gehiengoa aprobetxatu behar dela nabarmendu du.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.