Antonio Costak euskal agendarekiko azaldu duen "interesa eta sentsibilitatea" nabarmendu ditu Pradalesek
"Europako lehen mailako agente batekin ordubetez euskal agendaz hitz egitea oso garrantzitsua da". Imanol Pradales lehendakariak esan ditu hitzok, Antonio Costa Europar Batasuneko Kontseiluaren presidentearekin bildu ondoren, hedabideen aurrean egin duen lehen balorazioan.
Atzotik, Bruselan da lehendakaria, bisita ofizialean, eta hainbat bilera ditu hitzartuta. Asteazken honetan, Costarekin bakarrik ez, Apostolos Tzitzikostas
Garraio Jasangarriaren eta Turismoaren Europako komisarioarekin (14:00etan) eta Teresa Ribera Europar Kontseiluko Trantsizio Lehiakorrerako presidenteordearekin (16:10ean) ere elkartuko da. Besteak beste, euskararen ofizialtasuna, kohesio-funtsak eta Makroeskualde Atlantikoa izango dituzte aztergai.
"Europako mahaietan egoteko beharra" nabarmendu du Pradalesek, eta esan du "lehen mailako" agenteekin "alde biko" batzarrak egitea "oso garrantzitsua" dela Euskadirentzat. Zentzu horretan, Costak euskal agendaz duen "sentsibilitatea" eta "ezagutza" nabarmendu ditu. "Euskal errealitatea ezagutzen du eta uste du Euskadik paper garrantzitsua izan dezakeela Europaren berrindustrializazioan eta Europako lehiakortasunerako politiketan". Horrek eskatzen du, Jaurlaritzako gobernuburuaren arabera, eskualde zein nazioen "berezitasunak" aintzat hartzea, baita estaturik gabekoenak ere.
Bestalde, erantsi du, "munduko ordena aldatzen ari den honetan", berebiziko garrantzia hartu duela "Makroeskualde Atlantikoa sortzeko proiektuak", maila guztietan "elkarlana" sustatzeko. "Baikor" azaldu da, eta "giro ona" ikusten du ardatz Atlantikoaren egitasmoa martxan jartzeko.
Euskararen ofizialtasunari buruz ere ari da hitz egiten egunotan lehendakaria Bruselan. Ziurtatu du gaia Europar Batasuneko Kontseiluaren agendan dagoela, "Espainiako Gobernuak hartutako konpromisoei" esker.
Era berean, adierazi du lehendakari den heinean "etengabe" ari dela Europako erakundeetan euskararen ofizialtasuna aldarrikatzen, eta positibotzat jo du gaia EBren agenda politikoan egotea. "Denbora eman behar zaio. Ez da gai erraza, Europan hainbat hizkuntza daude eta 27 estatuk dute erabakitzeko ahalmena. Akordioa lortu behar da, eta beraz, gauzak poliki eta zuhur egin behar dira (...), Euskaditik ahal dugun guztia egingo dugu", amaitu du.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.