Elkarrekin Podemoseko oinarriak EAJk eta PSE-EEk erreforma fiskalaz egindako proposamena bozkatzen ari dira
Elkarrekin Podemos barne-kontsulta egiten ari da asteburu honetan EAJren eta PSE-EEren partetik erreforma fiskalaren inguruan jaso dituzten azken kontraproposamenen inguruan.
Kontsulta loteslea da, oinarriek igande gauera arte eman dezakete botoa, eta Jaurlaritzako alderdien aldetik jasotako proposamena edo dokumentua nahikoa dela uste badute, Elkarrekin Podemosek baiezkoa emango dio erreforma fiskalari. Bozketaren emaitza astelehenean jakinaraziko da.
Richar Vaquero Podemos Euskadiko koordinatzaile nagusi eta Bizkaiko batzarkideak larunbat honetan adierazi duenez, datorren astean itxiko dute EAJrekin eta PSE-EErekin akordio fiskala, militanteek asteburuan egingo duten kontsultan mahai gainean dagoen dokumentua ontzat joz gero. Oinarriek sozialistekin eta jeltzaleekin itunak egiteari uko egiten badiote, berriz, hortxe amaituko da negoziazio prozesua.
Oposizioko talderen bat konbentzitzeko asmoz, EAJk eta PSE-EEk erreforma fiskalerako eurek egindako proiektuari zuzenketak aurkeztu dizkiote Batzar Nagusietan; besteak beste, 19.000 eurotik 20.000 eurora igo dute Pertsona Fisikoen Errentaren gaineko Zergan ordaintzetik salbuetsita egongo den kopurua. Oraingoz Elkarrekin Podemosek bakarrik onartu du negoziazioak "bide onetik" doazela.
Vaqueroren esanetan, EAJren eta PSE-EEren kontraproposamenak ez dira "guztiz gustukoak" Podemos Euskadirentzat. Nolanahi ere, azpimarratu duenez, hasieratik jakina zen ez zela "ohiko erreforma bat", lehendik zegoenaren birmoldatze edo egokitzapen bat baizik.
Ildo horretan, alderdiarentzat oinarrizko diren lau helburuak gogorarazi ditu: "errenta baxuenei laguntzea, etxebizitza eskuratzeko aukerak hobetzea, BGAEen aurrean pentsio publikoak indartzea eta aberastasuna banatu eta diru-bilketaren galera berreskuratzea".
"Guk egiten ditugun proposamenekin, gauza horietako asko lortuko genituzke; gutxienez, hobetu egingo genituzke oraingo egoerarekin alderatuz. Horregatik, hamar bat urteko eperako izan behar den egiturazko erreforma bat garratzitsua iruditzen zaigu, eta, beraz, oinarriei galdetu beharreko zerbait".
Euskadiko alderdi morearen liderraren hitzetan, negoziazio-prozesuan bi aldeek eman behar dute pixka bat, eta, beraz, onartzen du ez dutela eskatu duten guztia lortuko, baina "benetan aldaketa esanguratsurik badago eta aberastasuna birbanatzen bada, sistema bidezkoagoa eta ekitatiboagoa izateko, orduan horren alde egiten saiatu beharko genuke".
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".