PSE-EEk berretsi du zerga erreforma ez duela PPrekin negoziatuko; EAJ "guztiekin" hitz egiteko prest dago
EAJk eta PSE-EEk hiru Batzar Nagusietan aurkeztutako zerga erreformaren proiektuari EH Bilduk osoko zuzenketa aurkeztuko diola eta, negoziazioaren atea parez pare zabaldu diete oposizioko beste indarrei, Elkarrekin Podemosi eta PPri, hain zuzen ere. Izan ere, Gipuzkoan eta Araban, jeltzale eta sozialistek oposizioaren botoak behar dituzte erreforma aurrera ateratzeko. Batzar Nagusietako aritmetikari erreparatuta, EH Bilduk edo PPk abstentziora jo beharko lukete, edota Elkarrekin Podemosek, alde bozkatu.
Asteon bukatuko da bi lurraldeetan osoko zuzenketak aurkezteko epea; Bizkaian, martxoaren 12ra arte dago irekita, baina kasu horretan, EAJk eta PSE-EEk badute testua aurrera ateratzeko babes nahikoa.
Horren harira, Eneko Andueza PSE-EEren idazkari nagusiak ohartarazi du PPrekin ez negoziatzeko euren jarrera "irmoa eta mugiezina" dela. Buruzagi sozialistaren aburuz, Alderdi Popularrak "diru gehien duenari egin nahi dio mesede".
Zabalagoa da jeltzaleen jarrera, Joseba Diez Antxustegi EAJk Legebiltzarrean duen bozeramaileak argitu duenez. "Guztiokin negoziatzeko prest gaude", adierazi du. Azaldu duenez, euren lehentasuna "edukiak" aztertzea eta negoziatzea da, zein alderdirekin lor daitekeen gorabehera.
Eusko Legebiltzarreko atarian adierazpenak egin dituzte bi buruzagiek, EH Bilduren erabakia kritikatzeko. Anduezaren ustez, koalizio subiranistak "min egin nahi die foru gobernuei" eta ohartarazi dio "erantzukizuna eta gobernatzeko asmoa duen alderdi bihurtzeko gaitasuna egoera hauetan demostratzen" dela. "Oraingoz ez dute halakorik erakutsi", azpimarratu du.
Diez Antxustegiren arabera, "ez da ulergarria EH Bilduk edukien inguruan negoziatzeari uko egitea". Nabarmendu duenez, Arnaldo Otegi buru duen koalizioa "ez dago herri erronkei erantzuna emateko eskatutako mailan".
Nerea Kortajarena EH Bilduren bozeramaileak, lehengo lepotik burua. Gaur Radio Euskadiko "Boulevard" saioan egin dioten elkarrizketa batean azpimarratu du jeltzale eta sozialistek adostutakoa ez dela zerga erreforma, "ukitu fiskal soila" baizik. Ohartarazi duenez, Batzar Nagusietan dagoen indar banaketaren ondorioz, EAJk ezingo du bere proposamena mahai gainean jarri, "besteek irentsiko dutelakoan".
Elkarrekin Podemos, "baikor"
Miren Etxebeste Elkarrekin Podemosek Gipuzkoako Batzar Nagusietan duen bozeramailea elkarrizketatu dute gaur Euskadi Irratiko "Faktoria" saioan, eta negoziazioari begira "baikor" dagoela azpimarratu du, batez ere sozialistek egindako "mugimenduari" esker —Anduezak EAEko PPrekin negoziatzea baztertu du berriki—. Ohartarazi duenez, EAJk eta PSE-EEk proposatutakoa ez da zerga erreforma, "horretan ados gaude oposizioko hiru alderdiak", erantsi du.
"10 urte eta gero zerga erreforma bat beharrezkoa zela uste genuen, eta jarraituko dugu erreforma bat eskatzen, baina, tira, orain mahai gainean duguna foru arau proposamena da. Ez da guk espero genuen markoa, baina markoa hau da", aitortu du.
Dena dela, uste du zuzenketa partzialen bidez "zerga berrikuspena erreforma bihur" daitekeela, eta horren harira, Gipuzkoan 34 zuzenketa aurkeztu dituztela jakinarazi du, batez ere etxebizitzaren alorrekoak. Era berean, azaldu du hiru lurraldeetan armonizazioa lortzeko "bateratuta" daudela Bizkaiko eta Arabako Elkarrekin Podemos.
PP, EAJrekin kritiko
Azkenik, Iñaki Oyarzabal Arabako PPren presidenteak iragarri duenez, oraingoz ez dute osoko zuzenketarik aurkeztu, eta Arabaren kasuan, 42 zuzenketa partzial erregistratu dituzte, "familien, errenta ertainen eta autonomoen alde" egiteko.
Negoziazioari dagokionez, jeltzaleek izandako jarrera-aldaketa deitoratu du:
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.