Jose Barrionuevo ministro ohi sozialistaren kontrako kereila aurkeztuko dute GALen zenbait biktimaren senideek
Espainiako Gobernuak 80ko hamarkadan ETAren aurka abian jarritako ZEN Planaren baitan egindako ekintzen zenbait biktimaren senidek Jose Barrionevo (Almeria, Andaluzia, 1942) orduko Barne ministroaren kontrako kereila jarriko dute. Zehazki, Ipar Euskal Herrian bizi zen errefuxiatu taldearen aurka erabilitako estrategiaren zenbait biktimak eramango dute auzitara buruzagi ohi sozialista.
Egiari Zor Fundazioak eta Euskal Herriko Giza Eskubideen Behatokiak (GEBehatokia) datorren ostiralerako, martxoak 14, deitu duten prentsaurrekoan emango dituzte kereilari buruzko xehetasunak. Bertan parte hartuko dute Edurne Brouard eta Bego Galdeano GALen biktimek, Maddi Bilbao eta Oscar Sanchez abokatuek eta Agus Hernan GEBehatokiko koordinatzaileak lagunduta.
Agerraldiaren berri emateko zabaldutako oharrean, aipatutako elkarteek gogorarazi dute Barrionuevo izan zela ZEN Planaren "arduradun nagusietako" bat, berak 2022an Espainiako hedabide bati egindako elkarrizketan aitortu bezala.
_______________________________________________________________________________________________________
Zure interesekoa izan daiteke: Barrionuevok Estatu Terrorismoa aitortu du El Pais hedabideak egindako elkarrizketa batean
_______________________________________________________________________________________________________
PSOEren lehen Gobernuko (1982-1986) Barne ministro izandakoari 10 urteko espetxe zigorra ezarri zion Auzitegi Gorenak 1998an, GALek egindako Segundo Mareyren bahiketa antolatu eta erakundea finantzatzeko dirua bidegabeki erabiltzea egotzita. Hiru hilabete baino ez zituen egin kartzelan, urte horretan bertan Jose Maria Aznarren Gobernuak indultua eman baitzion.
Ostiraleko agerraldiaren berri emateko komunikatuan azaltzen denez, ZEN Plana aurrera eramateko, bahiketak, indarrezko desagertzeak, torturak eta legez kanpoko entregak egin ziren.
Jose Barrionuevok aitortu zuen berak agindu zuela Segundo Marey GALek 1983 bahitutako herritarra askatzea, akatsa izan zelako. Azaldu zuenez, "polizia taldea pertsonaz nahastu" zela jakin zuenean, aske uzteko agindua eman zuen "nahasmendu gehiago ez eragiteko".
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.