Lehen legebiltzarkideak omendu dituzte, "une erabakigarri hartan" hartutako "konpromisoagatik"
Eusko Legebiltzarrak omenaldia egin die bere lehen legealdiko legebiltzarkideei, eta Bakartxo Tejeria egungo presidenteak eskerrak eman dizkie "euskal herritarrekin hartutako konpromisoagatik, gure historiako une erabakigarri hartan". Ekitaldia Gernikako Juntetxean egin da, duela 45 urte ganbera autonomikoa eratu zen lekuan. Euskal erakundeetako eta alderdi politikoetako ordezkariak bertan ziren.
Eusko Legebiltzarrak, bere 45. urteurreneko ekitaldi nagusian, Gernikako Juntetxean bildu ditu, 1980ko martxoaren 31n bezala, haren lehen ordezkariak izan zirenetako batzuk, baita hil direnen familiak ere. Oraingo 13. legegintzaldiko legebiltzarkideak han ziren, baita legegintzaldi guztietako lehendakariak ere, Juan Jose Ibarretxe izan ezik: Imanol Pradales lehendakaria, eta Carlos Garaikoetxea, Patxi López eta Iñigo Urkullu lehendakari ohiak.
Beste erakunde batzuetako ordezkariak ere izan dira, hala nola ahaldun nagusiak eta Batzar Nagusietako presidenteak eta alderdi politikoetako kideak.
Ekitaldian, 70 domina banatu dira. Horietatik, hogeita hamar inguru legebiltzarkideek jaso dituzte, eta gainerakoak senideek edo ordezkariek.
Omenaldian, Eusko Legebiltzarreko presidenteak eskerrak eman dizkie lehen legealdiko legebiltzarkideei "Euskal Herriarekin hartutako konpromisoagatik, gure historiako une erabakigarri hartan".
"Gaur, Eusko Legebiltzarreko eserlekuetan gauden emakumeok eta gizonok omenaldi bat egin nahi diogu gaurko Euskadiren oinarriak jarri zituen belaunaldiari; eskerrak eman nahi dizkizuegu zuen ahaleginagatik eta zuen asmamenagatik, herri gisa honaino ekarri gaituzten erabaki estrategikoak hartzeagatik", adierazi du.
Bakartxo Tejeriak Eusko Legebiltzar eratu berriak "ezohiko belaunaldi" horren oinarri izan ziren balioak eta printzipioak dituela azpimarratu du, "askatasuna, demokrazia, gure nortasunaren defentsa, berdintasuna, justizia, bizikidetza, bakea". "Balio eta printzipio horiek gidatu dute Eusko Legebiltzarraren jarduna 45 urteko ibilbidean", amaitu du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.