Aberrigintzaren bidean EAJren lidergoa aldarrikatu du Aitor Estebanek
Aberri Eguna ospatu du EAJk Bilboko Plaza Berrian. "Euskadi gara, Mundialak gara!" lelopean, Aitor Esteban EBBren buruak Eusko Alderdi Jeltzaleak aberrigintzaren bidean izandako papera aldarrikatu du.
Egun berezia izan da gaurkoa Aitor Estebanentzat eta Imanol Pradalesentzat, alderdiaren buru eta lehendakari moduan bizi izan duten lehen Aberri Eguna izan baita. Ekitaldian Olatz Urizar EGIkideak ere parte hartu du.
EAJk aberrigintza egiteko izan duen papera aldarrikatu du hitzaldian Aitor Estebanek. EAJri Kontzertu Ekonomikoaren eguneratzea, Trenbideen transferentzia edo Kostaldeen eskumena egotzi ondoren, besteak beste, honako hau eskatu du: "Ez diezagutela esan, nori eta guri, nazio anbizioa zer den". "Alderdi honek nazio anbizioa egunez egun, urtez urte erakutsi du 40 urte luzetan, 130 urtetan, aurrera eginez eta gurpiletan zotzak jarri gabe", gaineratu du.
Gainera Estebanek herritarri dei egin die "euskal herritarrak garen aldetik Euskadi deitzen den herri ederra dugula ospatzera, gure nortasunari tinko eusten diogula eta legatu hau gure alaba eta semeei uzteko asmoa dugula".
Aberri Eguna "poz eta itxaropenez" betetako eguna dela esan du, "inguruan dugun munduaren iluntasunaren" aurrean. "Iraganean ere, herri gisa, momentu arriskutsuak bizi izan ditugu, gaurkoak baino txarragoak eta, hala eta guztiz ere, hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik", esan du.
Autogobernuaren defentsa
Imanol Pradales lehendakaria Espainiako gobernuari zuzendu zaio. Gernikako Estatutua bete dezala eta "azkar" bete dezala eskatu dio, adostutako eskumenen esku aldaketa lehenbailehen gauzatuz.
Pradalesek autogobernua defendatu du, jasandako erasoen aurrean. Euskadi "nazioa" dela aldarrikatu du eta "aldebikotasuna bermatuko duen markoa segurtatu" behar duela adierazi du "berme-sistema eraginkor batez, adostutako autogobernua higatu edo mugatuko duten aldebakarreko erabakiak eragotziko dituena".
Eta horren adibide, "unibertsitateko tituluak homologatzeko dugun eskumena baliogabetu duen Gorenaren epaia" aipatu du, "lehen aldiz, ahalmenik ez duen auzitegi batek aldebiko itun politiko baten aurkako epaia eman du. Eta hori oso larria da!", ohartarazi du.
Pradalesek EH Bilduren jarrera ere kritikatu ditu, baina zuzenean aipatu gabe. Besteak beste, esan du ez duela baloratu nahi "zein diren euren nazioarteko aliatuak, ezta Errusiak Ukrainan egindako inbasioa gaitzesteko izan dituen zalantzak eta erreserbak ere".
Era beran, "interes alderdikoi hutsengatik" euskal gizartean gerta daitekeen "polarizazioarekin" kezkatuta agertu da, "batzera baino gehiago zatitzera ohituta egon den kultura politiko bati" erreferentzia eginez.
Azkenik, Euskadirekin eta demokraziarekin eta etorkizunarekin konprometitzeko eskatu die gazteei lehendakariak, "ez baitaude ziurtatuta", "intransigentzia eta autoritarismo garaiak bizi ditugun honetan", ohartarazi du.
Zure interesekoa izan daiteke
Bi urteko inhabilitazioa ezarri dio Gorenak Estatuko fiskal nagusiari, sekretuak ezagutarazteagatik
Auzitegi Gorenak jakinarazi duen erabakiaren arabera, Alvaro Garcia Ortizek 7.200 euroko isuna ordaindu beharko du eta 10.000 euro eman beharko dizkio Alberto Gonzalez Amadorri kalte moralen ordainetan. Sententzia osoa ez dago oraindik idatzita eta egun edo aste batzuen buruan jakinaraziko da.
Franco hil ondoren, fusilatutakoen senideek desobiratzeak egin zituzten Nafarroako hegoaldean
Franco hil ondoren, fusilatutakoen senideak bide bazterretatik euren senideak ateratzen hasi ziren, lur duintasunez emateko, batez ere Nafarroan. Desobiratzeak Martzillan, Azkoienen eta Nafarroako erdialdean izan ziren, 1978 eta 1981 artean.
Alberto Alonsoren ustez, "kezkagarria da" Martxoaren 3ko Memoriala atzeratzea, baina 2026an proiektuetan lanean hastea espero du
Gogora Memoriaren, Bizikidetzaren eta Giza Eskubideen Institutuaren zuzendari den Alberto Alonsok adierazi duenez, 1976ko Martxoaren 3ko Memorialaren atzerapena "kezkatzeko moduko puntuan" badago ere, "urtea amaitu baino lehen hitz egiten hastea" espero du. Gabonetako jaiotzen arazoa "konpontzeko bidean" denez, 2026an etorkizuneko proiektuetan lanean hastea espero du Alonsok.
Esteban: "PP eta bere gertuko hedabideak EAJ Cerdanen sarearekin lotzen saiatzen ari dira, agerikoa da"
Aitor Esteban EBBren presidenteak Alderdi Popularra eta "gertuko hedabideak" EAJ Cerdanen sarearekin lotzen "saitzen" ari direla salatu du, baina "ezertxo ere ez" dagoela azpimarratu du. "Lasai gaude, eta ez gara kikilduko benetakoak ez diren lau titular argitaratu direlako", gaineratu du. Estebanek azpimarratu du behin baino ez zela bildu Santos Cerdan PSOEren Antolakuntza idazkari ohiarekin Mariano Rajoyren aurkako zentsura-mozioa negoziatzeko.
Jon Hernandez (Sumar): "40 urtez diktaduraren aurka borrokan sakrifikatu ziren andre-gizonak izan nahi ditugu gogoan, nagusiki"
Jon Hernandez Sumarren legebiltzarkideak, ostegun honetan, Francisco Francoren heriotzaren 50. urteurrena dela eta, "lau hamarkadaz diktaduraren aurka borrokatu ziren milaka andre-gizonek" egin zuten papera goraipatu du. Pertsona horiek zeren alde jardun ziren gogoratzearen garrantzia azpimarratu du, "gaur egun ditugun askatasunak eta demokrazia mugatua diktaduraren aurka borrokatu ziren horiei guztiei esker ditugu eta".
Aitor Esteban: "Franco hil zenean ez zen hausturarik izan, eta horrek ondorioak ekarri ditu"
Bilbon egindako prentsaurreko batean, Aitor Esteban EAJko EBBren presidenteak Francisco Franco diktadorearen heriotzaren 50. urteurrena izan du hizpide. 50 urte geroago frankismo garaiko Sekretu Ofizialen Legea indarrean dagoela salatu du: "Lege horrek orduan gertatukoa argitu baino, ilundu egiten du”.
Alonso Egurrolari lotutako Noran eta Erkolan kooperatibei buruzko dokumentazioa eman dio Eusko Jaurlaritzak Guardia Zibilari
UCOk Eusko Jaurlaritzari Noran eta Erkolan kooperatibei buruzko informazioa eskatu zion joan den astean. Enpresa horietan kontratatu zituzten Francisca Muñoz eta Belen Cerdan, Santos Cerdan PSOEren Antolakuntza idazkari ohiaren emaztea eta arreba, hurrenez hurren.
Eusko Legebiltzarrak minutu bateko isilunea egin du, GALek 1984an erail zuen Santi Brouard omentzeko
Legebiltzarkideek zutik eta minutu bateko isilunearekin eginda omendu dute GALek 1984ko azaroaren 20an hildako Santi Brouard Herri Batasunaren buruzagia.
EH Bilduk, ERCk eta BNGk monarkiarekin apurtzea eskatu dute, "frankismoaren herentzia" baita, horrela "benetako demokrazia" lortzeko
Frankismotik etorritako egiturari eusteak agerian uzten du, alderdi horien arabera, ez dela "benetako demokraziarik egongo Estatuaren buruzagitza herriak aukeratzen ez duen bitartean, eta hala euskal nazioari nola katalanari eta galegoari erabakitzeko eskubidea ukatzen zaien bitartean".
Torturaren beste zazpi biktima aitortu ditu Nafarroako Gobernuak
Orain arte, 94 pertsona aitortu ditu Nafarroako Gobernuak ofizialki indarkeria politikoaren biktima gisa 16/2019 Foru Legearen esparruan. Nafarroako Torturatuen Sareak eta Egiari Zorrek osatzen duten 'Egiaren garaia da' dinamikak begi onez ikusi ditu ebazpenak, eta bide horretan sakontzen jarraitzeko eskatu dute.