Segurtasun integrala sendotzeko apustua egin du lehendakariak, ildo horretan urratsak emanez
Iragan asteleheneko itzalaldiaren ondotik, eta azken urteetan bizi izan ditugun egoeren aurren, Imanol Pradales lehendakariak nabarmendu du "gure segurtasun integrala sendotu beharrean" gaudela, "herri bezala gogoeta sakon bat eginez".
Linkedin sare sozialaren bidez egin du hausnarketa. "Autogobernua lan-tresna eraginkorra da horretarako", esan du. "Inteligentziaz eta arduraz baliatu gara horretaz, aurre egin behar izan diegun gertakariei eta larrialdiei erantzuteko, baina berritu eta zabaldu beharrean gaude", erantsi du.
Erkidego sena iparrorratz, "zaurgarriak eta ahulak garela gogoratzen digute bizitako egoerek", azpimarratu du, "batuta gaudenean" askoz gogorragoak garela iritzita.
Pradalesek uste du kontzientzia indibidual eta kolektiboa landu eta elkar zaindu behar dugula, "zaurgarritasun eza existitzen ez delako, eta arretaz jokatzen duen herrialde batek konfiantzazko bizi proiektu bat gara dezakeelako".
"Zoritxarrez, ez da lehenengo aldia izan. Itzalaldia ez ezik, beste hainbat pasarte konplexu bizi izan ditugu azken urteotan: pandemia, hornigai katearen blokeoa, energia krisia, erdieroaleen krisia, nazioarteko merkataritzaren gorabeherak, muturreko klima egoerak...".
Halaber, gaineratu du, "asteleheneko itzalaldiak areagotu egin du gure segurtasun integrala indartzeko beharra". "Kontua ez da arduratzea, ardura hartzea baizik. Pauso ausartak eman behar ditugu ildo horretan, eta bizitako esperientziatik ikasi behar dugu. Hasiera batean, segurtasun poliziala edo defentsa militarra izan ditzakegu buruan, baina fokua zabaldu behar dugu, eta zentzu zabalagoan ulertu, alegia, segurtasun energetikoa, teknologikoa, klimatikoa... izan behar ditugu gogoan".
Helburu horrekin, lehendakariaren iritziz, garrantzitsua da Europa batuta egotea, potentzia handien aurrean (AEB, Txina edo India) "bere autonomia estrategikoa berma dezan".
"Europa da gure apustua. Euskadin argi dugu, Europako Batzordeak proposatutako estrategia sendotzen duten trikimailuen alde egingo dugu. Dagoeneko hasi gara horri bide emango dioten politikak eta planak diseinatzen, Clean Industrial Deal delakoa kasu", bukatu du.
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".