Adostasunik gabe amaitu da Espainiako errege emerituaren eta Revillaren arteko adiskidetze-saioa
Espainiako errege emerituaren eta Miguel Angel Revilla Kantabriako presidente ohiaren arteko adiskidetze-saioa adostasunik gabe amaitu da. Ostiral honetan egin dute, Santanderko Justizia Jauregian. Juan Carlos I.ak ez du saioan parte hartu, eta PRCko idazkari nagusiak ez ditu zuzendu epaitegira eraman duten hitzak.
Saioak hamabost minutu iraun du: 10:05ean hasi eta 10:20an amaitu da, aldeen arteko akordiorik gabe; izan ere, Jose Maria Fuster-Fabra erregionalistaren abokatuak azaldu duenez, irainengatik eta kalumniengatik demanda jarri aurretik mahai gainean jarri den idatzian, "gezurra esan duela onartzeko" eskatu diote bere bezeroari, Estatuko buru ohiari "iheslari fiskal" deitzeagatik.
Revillaren abokatuaren arabera, ordea, hori ezinezkoa da, bere bezeroak "ez baitzuen gezurrik esan". Ildo horretan, adierazi du egungo Espainiako erregearen aitaren aurkako "iritzi oso kritikoak" eman baditu ere, berez ezagutzen ez dituen baina komunikabide "askotan" argitaratutako hainbat informaziotan oinarrituta esan dituela.
Abokatu horren hitzetan, gezur bat "dakigunaren, sinesten denaren edo pentsatzen denaren aurka" esaten da. Kantabriako presidente ohiak "baliteke gertatutakoa berez ez jakitea, baina bai pentsatzea edo sinestea" berak hedabideetan irakurri eta gero programetan esan duena "egia" dela, "ezagutza-iturria benetakoa" delako eta albisteetan iturri ofizialak aipatzen direlako (Ustelkeriaren aurkako Fiskaltzaren txosten bat esaterako, artxibatu egin zena, preskribatu egin zuelako eta monarkaren bortxaezintasuna tarteko).
Fuster-Fabrak, halaber, agerian utzi du emerituak ez duela inoiz informazio horiek argitaratu zituzten komunikabideen aurka jo. Juan Carlos I.ak zuzenketa publiko bat eskatzeaz gain, 50.000 euro eskatu zizkion (errege emerituak Espainiako Caritasera bideratuko du diru hori, irabaziz gero) ohorerako eskubidea urratu zioten adierazpen iraingarriak eta kalumniak esateagatik telebista-programetan.
Akordioa lortzen saiatzeko, eta Revillaren legezko ordezkariaren argudioak kontuan hartuta, epaileak hitz egiteko txanda eman die bi aldeei. Errege emerituaren abokatuak orduan esan duenez, Revillak interes "mediatikoa" zuen hitzordu honekin, eta "denak ez du balio gatazka politikoan", gaineratu du. Ez bata ez bestea, ez direla herritar partikularrak eta Revillak erregeak baino "pribilejio gehiago" dituela esan du ondoren.
Erregionalistak ekitaldiaren amaieran azaldu duenez, berak ez du erregeak baino pribilegio gehiago, hain zuzen ere bere eta bere alderdiaren erabakiz Kantabriako diputatuei forudun izaera kendu baitzitzaien. "Horregatik nago hemen", esan du.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.