Sanchezek dio irmotasunez jokatu zutela Cerdanekin eta orain justiziaren garaia dela
Alderdiak erantzukizun politikoak bere gain hartu zituela eta Cerdan alderditik baztertu zutela azpimarratu Espainiako presidenteak. Ikuspuntu politikoaren harira, PSOEren jarrera beste alderdi batzuen "oso bestelakoa" dela esan du. Feijook Sanchezen dimisioa eta hauteskundeak aurreratzea eskatu du berriro.
Pedro Sanchez Espainiako Gobernuko presidenteak esan du PSOEk "irmotasunez" jokatu zuela Santos Cerdan Sozialisten Antolakuntza idazkari ohiarekin, eta esan du, orain, justiziak erabaki behar dituela bere erantzukizunak. Epaileak espetxera bidali du Cerdan astelehen honetan, 'Koldo auzia' dela eta.
Sanchezek Cerdanen egoera izan du hizpide astelehen honetan Sevillan inauguratu den Garapenerako Finantzaketari buruzko Nazioarteko IV. Konferentzian.
PSOEk hasiera-hasieratik "irmo" jokatu zuela berretsi du, erantzukizun politikoak hartu zituztela, Cerdan alderditik kendu zutela eta orain justiziari dagokiola, "Cerdanen kasuan erantzukizunak zein diren zehazki" erabakitzea, azpimarratu du.
Sanchezek "justiziari erabateko laguntza eta errespetua" helarazi dizkio. Era berean, ikuspegi politikotik PSOEren jarrera beste alderdi batzuen "oso bestelakoa" dela azpimarratu du, izan ere, beste alderdi batzuek "ez dutela inolako erantzukizunik hartzen" esan du, PPri erreferentzia eginez.
Bestalde, Alberto Nuñez Feijoo PPko buruzagiak Sanchezen dimisioa eta hauteskundeak aurreratzea eskatu du berriro. Feijook gogorarazi du PSOEk Sevillan egin zuen kongresuan Sanchezek Cerdan "bigarren bezala berretsi" zuela, eta orain "fidantzarik gabeko espetxera" bidali dutela azpimarratu du, "erakunde kriminala eta funtzionario-eroskeria egotzita, besteak beste".
"Honek ez badu dimisiorik eta hauteskunderik merezi, ez du errealitatearen zentzurik", adierazi du PPko presidenteak X sare sozialean.
Santiago Abascal Vox eskuin muturreko alderdiko buruzagiak esan du ez dela "nahikoa" Cerdan espetxeratzea, eta "guztiak" kartzelan sartzea eskatu du. "Batekin ez da nahikoa. Bat falta da", idatzi du X sare sozialean, Espainiako Gobernuko presidenteari erreferentzia eginez. "Guztiak kartzelara!", adierazi du.
Bestalde, Espainiako Gobernuan PSOEren bazkide den Sumarrek herri-akusazio gisa aurkeztea eskatuko du, eta "erori behar duena erortzea" defendatu du.
Lara Hernandez Sumar Mugimenduko buruzagietako batek prentsaurreko batean esan duenez, Auzitegi Goreneko epaileak Cerdanen espetxeratzearen inguruan hartutako erabakiak "gogoeta" egitera behartzen ditu.
Leopoldo Puente Auzitegi Goreneko epaileak Santos Cerdan kartzelan sartzeko agindua eman du astelehen honetan, Fiskaltzak eskatu bezala. Obra publikoaren ustezko esleipen irregularrengatik eskupekoak banatzeko trama bateko kide izatea egozten diote.
Epaileak emandako lehen kartzela agindua izan da. Jose Luis Abalos ministro ohiaren eta Koldo Garcia haren aholkulari ohiaren aurkako ikerketa zuzentzen duen epaile bera da. Cerdanek ez bezala, bi horiek honako kautelazko neurriak dituzte: Espainiatik ateratzeko debekua, pasaportea kentzea eta hamabostean behin agerraldiak egitea.
Politikari buruzko albiste gehiago
Gamarrak PPko idazkari nagusia izateari utziko dio asteburu honetan; nork ordezkatuko du?
Hala ere, Alberto Nuñez Feijooren hurbileko izaten jarraituko du Gamarrak, alderdiaren Justizia arloa zuzenduz ziurrenik. Miguel Tellado, PPk Kongresuan duen bozeramailea, Gamarra ordezkatzeko hautagaietako bat da.
Honako zantzuak ikusten ditu epaileak Cerdanek “egozten zaizkion gertakarietan” parte hartu zuela uste izateko
Ikerketa egiten ari den Leopoldo Puente epailearen iritzian, buruzagi sozialista ohia zen “eraikuntzako enpresei dirua eskatzeaz arduratzen” zena. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du, dirua jaso ondoren, haiei ematen ziela.
EAJk "oso zorrotz" errefusatu egin ditu "Cerdan-Abalos-Koldo auziarekin" lotzeko saiakerak
Alderdi jeltzaleak argitu duenez, zentsura-mozioa babestu zuen Gurtel auziko epaiaren ostean, PPk ez zuelako erantzukizunik bere gain hartu, baina Antxon Alonsok ez zuen horretan eraginik izan.
Santos Cerdan behin-behinean espetxera bidali du Auzitegi Gorenak
Autoaren arabera, Cerdanek jasotzen eta banatzen zituen legez kanpoko eskupekoak. Bera omen zen enpresekin bitartekari aritzen zena. PSOEko buruzagi ohia Madrilgo Soto del Real presondegian espetxeratu dute dagoeneko.
Chivitek azpimarratu du UCOren txostenak ez duela Belateko tunelen obren esleipena aipatzen
Nafarroako presidenteak, UPNren eta PPNren galderei erantzunez, gogorarazi du Nafarroako Kontuen Ganberaren txostenean ere ez zela zalantzan jarri esleipena.
Jaurlaritzak 31 lan-saio egingo dituela iragarri du, Euskadiko segurtasun integralari buruz hausnartzeko eta eztabaidatzeko
Eusko Jaurlaritzak sustatutako Basque Segurtasuna Foroak bere bidea hasi du, segurtasun integralari buruzko hausnarketa eta diagnostiko partekatua lantzeko helburuz. Lehen lan-saioa datorren uztailaren 9an izango da, Sodupen (Gueñes).
Cerdanek eskupekoak jaso izana ukatu du, eta esan du jazarpenaren biktima dela EAJrekin eta EH Bildurekin negoziatzeagatik
PSOEko Antolakuntza idazkari ohiak Auzitegi Gorenean deklaratu du astelehen honetan. Ustelkeriaren Aurkako Fiskaltzak Leopoldo Puente magistratuari eskatu dio Cerdan behin-behinean espetxeratzea, fidantzarik gabe.
Bengoetxea: "Gobernu honek ez ditu inoiz lotuko segurtasuna eta migrazioa"
Gaur Bilbon abiatu den Basque Segurtasun Foroaren harira, Imanol Pradales lehendakariak esandakoak —"egiten duenak ordaindu egingo du", hain zuzen— argitu ditu Ibone Bengoetxea Eusko Jaurlaritzako lehenengo lehendakariordeak eta Kultura eta Hizkuntza Politika sailburuak. "Segurtasun integralaz ari gara", azaldu du.
Eusko Jaurlaritzak bere gain hartu du atzerritarren lan-baimenen kudeaketa
Euskadik migratzaileen lan-baimenekin lotutako eskumen berriak kudeatuko ditu astearte honetatik aurrera; helburua integrazioa erraztea eta administrazio-izapideak arintzea da.