Tellado izango da PPren idazkari nagusia, eta Ester Muñoz, bozeramailea
Tellado, Kongresuko artxiboko argazki batean.
Alberto Nuñez Feijoo PPko buruzagiak asteazken honetan iragarri duenez, Miguel Tellado, Kongresuko egungo bozeramailea, izango da idazkari nagusi berria, Cuca Gamarraren ordez.
Gainera, Feijook Antena 3 telebista katean egindako elkarrizketa batean aurreratu duenez, Ester Muñoz Leongo diputatua eta PPren Osasun eta Hezkuntza idazkariordea izango da Talde Popularraren bozeramailea Kongresuan. Ordezkapena PPk asteburu honetan Madrilen egingo duen XXI. kongresu nazionalean gauzatuko da.
Horrela, bi profil sendoren aldeko apustua egin du, Moncloara iristeko oposizio zuzenagoa egiteko helburuari begira.
Feijooren arabera, "bi aldaketa garrantzitsu" dira, eta "bi eredu dira, bi pertsona gazte", esperientzia organikoa dutenak, Telladoren kasuan, eta parlamentarioa, bien kasuan.
Astelehen honetan, Cuca Gamarrak baieztatu du PPren Idazkaritza Nagusia utziko duela. Gamarra 2022ko apirileko biltzarretik zegoen kargu horretan —Pablo Casado irten zenetik, hain justu— , baina alderdiko zuzendaritza batzordeko kide izaten jarraituko du; ziurrenik, Justizia arloko buru izango da.
"Erreleboa hartu eta erreleboa eskatzen dut", adierazi zuen Gamarrak prentsaurreko batean, eta "alderdiaren egitura PPk aurretik dituen erronketara egokitzeko beharra" defendatu zuen, PSOEren "ustelkeriaren" inguruan ezagutzen ari diren "gertaera larrien" aurrean.
Orain, Feijook Telladoren aldeko apustua egingo du, Alderdi Popularreko bigarrena izango baita aurreerantzean. Postu horretan egonda, alderdia hurrengo hauteskundeetarako prestatuko omen du. Hasiera batean, 2026an Gaztela eta Leonen eta Andaluzian izango dira.
Feijoo 2022ko apirilean presidente hautatu zutenean, Telladoren alde egin zuen PPren Antolakuntza idazkariorde gisa, baina kargu hori 2023ko azaroan utzi zuen, Kongresuko Talde Popularraren bozeramailetzaz arduratzeko.
Feijooren konfiantzarik handieneko pertsona da Tellado; izan ere, Galiziako PPren idazkari nagusia izan zen 2016tik 2022ra, hura Galiziako Xuntaren buru zenean. Orain, PPren 'bigarren' izendatuta saritu du bere fideltasuna, hainbat iturrik adierazi dutenez.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".