Otegik onartu du bitan bildu zela Antxon Alonsorekin eta horren bitartez ezagutu zuela Cerdan
Ustez 'Koldo auzia'n nahastutako Alonso enpresari elgoibartarra lagun baten laguna dela adierazi du EH Bilduren idazkari orokorrak, eta horrek bitartekari lanak egin zituela bera eta PSOEren Antolakuntza idazkaria bildu zitezen.
Santos Cerdan PSOEko Antolakuntza idazkari izandakoa espetxean sartu zutenetik lehen aldiz hitz egin du EH Bilduk. Arnaldo Otegi idazkari orokorrak onartu du bera bezala elgoibartarra den Antxon Alonso enpresariaren bitartez ezagutu zuela Cerdan (orduan, PSNko Antolakuntza idazkaria zen). Halaber, gaineratu du azken hori izan dela EH Bilduk Alderdi Sozialistarekin izan duen mintzakiderik garrantzitsuenetakoa.
Otegik azaldu duenez, Cerdanekin izan zuen bilera hartan biek ala biek EH Bilduren eta PSOEren arteko komunikazio bideak zehaztu zituzten.
Halaber, adierazi du Alonso ia ez duela ezagutu ere egiten, lau aldiz baino besterik ez duela ikusi, baina, lagun baten laguna dela. Gaineratu duenez, ustez 'Koldo auzia'n nahastutako enpresariak jakinarazi zion Cerdanek harekin bildu nahi zuela.
Nafarroako Servinabar enpresa nahastu dute, hain zuzen ere, obra publikoen legez kanpoko esleipenekin lotutako ustezko ustelkeria sarean, eta Alonso da enpresaren jabe nagusia.
Halaber, Otegik azaldu du Cerdan izan dela EH Bilduk azken urteetan PSOErekin izan duen mintzakiderik garrantzitsuenetakoa, baina "ez bakarra".
Edozein kasutan, Otegik azpimarratu du EH Bilduk ez duela ezer ezkutatzeko eta PSOErekin lortutako akordio guztiak publikoak direla.
Bestalde, Otegik Sanchezi ohartarazi dio ez duela balio alternatiba "txarragoa" dela esateak. Hori dela eta, Estatu ereduari buruzko benetako hausnarketa bat abiatzeko eskatu dio.
Politikari buruzko albiste gehiago
"Eskualdatzeko dauden eskumenak ixteko 10 proposamen zehatz"aurkeztu dizkio Jaurlaritzak Espainiako Gobernuari
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak hamar dokumentu eman dizkio gaur Angel Victor Torres Espainiako Gobernuko Lurralde Politikako ministroari, eskualdetzeke dauden transferentzien inguruan "euskal proposamenak zehazten dituztenak". "Ez dugu pribilegiorik eskatzen, errespetu instituzionala baizik eta legea betetzea", esan du Ubarretxenak.
Kongresuak Israeli armak enbargatzea onartu du, Podemosen baiezkoarekin eta PP eta Voxen ezezkoarekin
Podemosek enbargoa “fake” bat dela berretsi du eta benetako arma-blokeoa eskatu du, baina baiezko botoa eman du. Dekretua presazko lege-proiektu gisa izapidetzea ere onartu dute eta, beraz, aldaketak egin ahal izango zaizkio prozesuan zehar.
Torresek defendatu du PSE-EEk eta bere ordezkari guztiek "norabide berean" eta "helburu politiko berarekin" lan egiten dutela
Sailburu sozialistarentzat "mingarria" da EAJ Anduezaren irudia "kaltetzen saiatzea" eta "ez da onargarria" Gobernu Kontseiluko ordezkariak horretan aritzea.
Goia: "Azken 10 urteotan egin dugun kudeaketa, ona zein txarra, PSErekin partekatutako erantzukizuna izan da"
Azken egunetan PSEren eta EAJren buruzagien artean izandako kritiken inguruan mintzatu da Eneko Goia Donostiako alkatea ETB2ko En Jake saioan.
Sarek manifestazioa deitu du Bilbon urtarrilaren 10erako, "salbuespen politika" amaitu dadila eskatzeko
"Ezin da gehiago luzatu" lelopean egingo den mobilizazioan, ETAkoak izatea leporatuta espetxean dauden presoei salbuespenik gabeko espetxe politika arrunta aplikatzea eskatuko dute.
Alberto Martinez datorren astelehenean bilduko da Osasun ministroarekin, baina "itxaropen handirik gabe"
Osasun sailburuak adierazi du bilera Lurraldearteko Kontseilura joango ez zirela iragarri zutelako deitu dela. Martinezek adierazi duenez, Osasun ministroak "ez du ulertzen" euskara meritua izatea, eta zail ikusten du akordio batera iristea, gaiaren inguruan "sentsibilitaterik ez dagoelako".
Eusko Jaurlaritzaren eta hiru aldundien aurrekontuak batera negoziatzeko prest dagoela jakinarazi die EH Bilduk EAJri eta PSEri
Naiz Irratian egin dioten elkarrizketan, Arnaldo Otegik esan du oraingoz ez dela nagoziaziorik izan, baina eskaintzak "erantzun positiboa" jasotzea espero duela. "Iaz ez bezala, gauzak beste modu batera egiteko aukerak egon daitezke. Gonbidapena mahai gainean dago, eta bideak irekita daude", adierazi du.
Anduezaren jarrerak "deserosoago" sentiarazten ditu Jaurlaritzako sailburu sozialistak jeltzaleak baino, Zupiriaren ustez
Euskadi Irratian egin dioten elkarrizketan, Eusko Jaurlaritzako Segurtasun sailburuak Eneko Anduezak azken egunotan egindako adierazpenak izan ditu hizpide. PSE-EEko idazkari nagusiak ohartarazi zuen gobernu koalizioa "arriskuan" egon daitekeela, "EH Bildurekin akordio identitarioak bilatzen jarraitzen badu".
Sanchezek "eskua luzatuta" duela esan du, eta elkarrizketaz eta autogobernuaz mintzatu da EAEko osasungintza hobetzeko, EAJren kexen aurrean
Maribel Vaquero EAJren bozeramaileak Kongresuan gogorarazi duenez, Alberto Martinez Eusko Jaurlaritzako Osasun sailburuak aurrerantzean ez du parte hartuko Lurraldearteko Osasun Kontseiluaren bileretan, "Osasun sistemaren premiak arintzeko proposamenekin" joan baita, eta Ministerioak "argudio sinesgarririk gabe atzera bota" baititu. Pedro Sanchez presidenteak erantzun dio Gobernua "oso kontziente" dela osasungintzak dituen beharrizanez. "Badakigu asko dagoela egiteko, eta, jakina, ez dago zalantzarik erronka horiek onbideratzeko irtenbideak aurkitzeko lanean jarraituko dugula", azpimarratu du.
Lehendakariak azpimarratu du "garrantzitsuagoa" dela EAJ eta PSE-EE elkartzen dituena "banatzen" dituena baino
Imanol Pradales lehendakariak EAJren eta PSE-EEren arteko koalizio gobernuaren egonkortasuna nabarmendu du Madrilgo Nueva Economia foroan egindako hitzaldian. Jatorrizko hitzak, gaztelaniaz.