Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Bolaños, artxiboko irudi batean. Argazkia: EFE
Felix Bolaños Espainiako Presidentzia, Justizia eta Gorteekiko Harremanen ministroak jakinarazi du Pedro Sanchez Gobernuko presidenteak “ustelkeriaren aurkako neurri sorta handia” aurkeztuko duela, herritarren “konfiantza berreskuratzeko” asmoz.
“Orain konfiantza berreskuratzea da erronka, eta oso larriak diren kasu gutxi batzuek ez dezatela gure ustelkeriaren aurkako borroka zikindu, gure presidentearen eta Gobernuaren sena baita”, adierazi du Madrilen, ‘Los Desayunos del Ateneo’n, eta gehitu helburua ez dela “eustea”, baizik eta “agenda sozialean eta eraldaketan sakontzea”.
Izan ere, Bolañosek gogorarazi duenez, sozialistek “oparotasun eta ongizate proiektua” aurkeztu zuten duela bi urte, eta Gobernua bere gain hartutako konpromisoak “betetzen” ari da: “Europar Batasunean gehien hazten ari den ekonomia da Espainiakoa. Espainiak Japoniako BPGa gainditu du. Lanari dagokionez, 22 milioi afiliatu ditugu, eta Rajoyk 18 milioirekin egiten zuen amets. Sekula ez da hainbesteko egonkortasunik izan enpleguan. 36 lege onartu ditugu, eta uztailaren 22an 43 izan daitezke”.
Amnistia legeari dagokionez, ministroak nabarmendu du PPk asteburuko kongresuan ez duela “aipatu ere egin” amnistia, zeren “agerian geratu baita funtzionatu duela eta betetzen ari dela Katalunian normalizazio politikoa eta soziala lortzeko helburua”.
“Konpromisoak bete egin ditugu. Zailtasunak dauzkagu, horietan sakonduko dugu eta lan handia egingo dugu gainditzeko”, onartu du ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Politikari buruzko albiste gehiago
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.
Gasteizko Udalak biktimek egindako sakrifizioa ez ahazteko deia egin du Miguel Angel Blancoren omenaldian
Gasteizko Udalak ostegun honetan omenaldia egin dio Miguel Angel Blancori, ETAk duela 28 urte bahitu eta hil zuen Ermuko PPren zinegotzia.
"Herri gisa bizirauteko senagatik", EH Bilduk PP agintera heltzea "eragotziko" du
Oskar Matute EH Bilduren diputatuak berretsi du koalizioaren ustez ez direla "nahikoak" Sanchezek ustelkeriaren kontra iragarritako neurriak. Gaineratu du, halaber, ez direla egungo Gobernua "porrot eginarazten saiatuko".
Gizarte Segurantza eta sare elektrikoko inbertsioak aztergai, Pradalesen eta Sanchezen astearteko bilera
Transferentzien Aldebiko Batzordea berriro elkartuko da uztailaren 15ean, Madrilen. Gizarte Segurantzaren erregimen ekonomikoaren eta enplegu-politika pasiboen blokearen lehen paketearen transferentzian aurrera egitea espero du Jaurlaritzak.
Miguel Angel Blancori omenaldia egin diote Chamartingo lorategietan, Madrilen
Igandean 28 urte beteko dira ETAk Blanco hil zuela. Miguel Angel Blanco Fundazioak ekitaldia antolatu du, Ermuko zinegotziaren omenez. Bertan izan dira Alberto Nuñez Feijoo PPren presidentea eta Isabel Diaz Ayuso Madrilgo Erkidegoko presidentea, besteak beste.
Bingen Zupiria: "Segurtasuna zerbitzu publiko bat da erakundeoi herritarrei entzutea dagokigu"
Gaur izan da Basque Segurtasun Foroaren lehen saioa, Gueñesen (Bizkaia). Euskadiko segurtasun integralari buruzko diagnostiko partekatua lortzeko eta arlo horretako etorkizuneko erronkei heltzeko hasi berri den hausnarketa estrategikoko prozesuak erakundeetako, gizarteko, hezkuntzako eta ekonomiako eragile guztiak inplikatu nahi ditu.
Asiron: "Eskuina eta ultraeskuina San Saturninon elkartzen dira, iraintzeko eta erasotzen saiatzeko asmoz"
"Ni konbentzituta nago, aurreko egunean Udaltzaingoaren esku-hartzeagatik ez bada eraso egingo zizkigutela, baina ez dut beste neurririk hartzeko asmorik, orain publikoki salatzeaz gain", salatu du Iruñeko alkateak.