PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri

PSOEk zigor gogorra jaso du Cerdan auziaren ostean, eta 7,3 puntu galdu ditu boto estimazioan CISen azken barometroan, baina, hala eta guztiz ere, puntu erdi ateratzen dio PPri. Izan ere, popularrek ez dute sozialesten eskandaluaren etekin zuzenik ateratzen bototan, eta 0,8 puntu galduko lituzkete. 

Vox da indar politiko guztien gorakadarik handiena izan duena, hirugarren postua sendotu eta 5,7 puntu gehiago lortu baititu hilabete batean. Uztailaren 1etik 7ra, Santos Cerdan PSOEko Antolakuntza idazkari ohia kartzelan sartzeagatik krisi politiko betean, telefonoz egin dira lagin gisa hartu diren 4.018 elkarrizketa. 

Balizko hauteskunde orokorren aurrean, sozialistek botoen % 27 lortuko lituzkete, PPk % 26,5 , Voxek % 18,9 eta Sumarrek % 7,8, ekaineko inkestarekin alderatuta 0,8 puntu igota.

Horrela, Ikerketa Soziologikoen Zentroak aurreko inkestan PSOEri PPrekiko emandako zazpi puntuko aldea, legegintzaldi osoko handiena, puntu erdiko tarte estuan geratuko litzateke orain.

PSOEri eragiten dioten ustezko ustelkeria kasuek mesede egiten diote PPri zuzeneko botoa asmoan (inkestatuek berez diotena, CISeko teknikarien ondorengo haztapenik gabe), baina oso gutxigatik  irabazten die sozielistei; barometroak % 18,8 ematen dio  PPri eta % 18,3 PSOEri.

Bultzada garrantzitsua duen Voxen, eta 0,8 gora egingo lukeen Sumarren ondoren, Podemos geldituko litzateke, 0,2 igota, botoen % 4,4 arekin. 

ERCk ere gora egingo luke, 0,7 puntu, botoen % 2,1era iritsiz, eta Luis Perez "Alvise"-ren Se Acabó la Fiesta alderdiak ere bi hamarren egin du gora  %1,7raino..

Junts hamarren bat jaitsi da, botoen % 1 zenbatetsita, EH Bilduk hiru hamarren galdu ditu eta % 0,9 geratu da, EAJren aurretik, zeinak bi hamarren gora eginda % 0,8ra iristen den. Horien azpitik geratu dira BNG (% 0,7), CC (% 0,3) eta UPN (% 0,1).

Herritarren kezkei dagokienez, "ustelkeria eta iruzurra" da inkestatuen bigarren arazoa, eta kezken lehen postuari eusten dio etxebizitzaren arazoak. 

Kezkei buruz galdetuta, inkestatuen % 30ek etxebizitza aipatzen du, eta % 25,3k ustelkeria (13,6 puntu egin du gora hilabete bakarrean), baita immigrazioa (% 18,4) eta "Gobernua eta alderdi politikoak" (% 17,8) ere.