Talgoren erosketa "oztopatzeari uzteko" eskatu dio EAJk Espainiako Gobernuari
Jose Antonio Jainaga Sidenorreko presidenteak zuzendutako sozietate batek Talgo konpainiaren % 29,8 erosteko operazioa "ez oztopatzeko" eskatu dio EAJk Espainiako Gobernuari gaur. SEPIk operazio horretarako 150 milioi euro emateko hasierako konpromisoan "atzera egin" duela ziurtatu dute jeltzaleek.
Maribel Vaquero EAJk Kongresuan duen bozeramaileak ohar batean adierazi duenez, "operazioak porrot egiten badu, Espainiako Gobernua izango da euskal herritarrei azaldu beharko diena porrot horren arrazoiak". "Oraindik egoera bideratu daiteke, baina ez dago denbora galtzeko tarterik", erantsi du.
EAJk gogorarazi du Espainiako Gobernuak, SEPIren bidez, hasiera batean konpromisoa hartu zuela erosketa babesteko eta enpresa indartzeko, 150 milioi euroko mailegu baten bitartez.
Ondoren, Estatuak operazioa bitan banatzea proposatu zuen, Espainiako Gobernuak 75 milioi eta Sidenorrek zuzendutako euskal partzuergoak (Finkatuz euskal funts publikoak eta BBK eta Vital kutxek ere parte hartzen dute horretan) gainerako 75 milioiak bere gain har zitzaten.
Kongresuko diputatu jeltzaleek salatu dutenez, Pedro Sanchezen Gobernua "trabak" jartzen ari da erosketa ixteko, eta gogorarazi du konpainia hori estrategikoa dela Euskal Autonomia Erkidegorentzat.
Vaquerok akordioa ixteko eskatu du, konpainiak 4.000 milioi euro inguruko eskaerei irteera eman eta lanpostuei eutsi ahal izateko.
Eusko Jaurlaritza
Ikuspegi zabala eta malgutasuna eskatzen ditugu operazioaren azken txanpan
Bestalde, Eusko Jaurlaritzak adierazi du "SEPIren esku" dagoela Talgoren egoera berriro bideratzea, eta Espainiako Gobernuari "ikuspegi zabala" eta "malgutasuna" eskatu dio.
Mikel Jauregi buru duen Saileko iturriek gaur adierazi dutenez, Eusko Jaurlaritzak "hilabete asko daramatza lanean Euskal Partzuergoak prozesua ixteko". "Gure konpromiso guztiak bete ditugu eta prozesuaren bukaerara iristeko beharrezko pauso guztiak eman ditugu", gaineratu dute.
Zehaztu dutenez, orain "SEPIren mahaian dago" Talgoren finantziazio beharrizanei aurre egiteko "aurretik adostuta zegoen egoera berriro bideratzea".
Eusko Jaurlaritza "baikor" agertu da, eta espero du "inplikatutako eragile guztiek maila ematea Talgok errotuta jarrai dezan eta eskaerei aurre egiteko beharrezkoak diren inbertsioak egin ahal izateko". "Ikuspegi zabala eta malgutasuna eskatzen ditugu operazioaren azken txanpan", azpimarratu dute.
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.