Marlaskaren esanetan, autonomiek ez zuten Estatuaren laguntza zalantzan jarri Feijook gehiago eskatu zuen arte
Luis Santamaria PPko senatariari erantzunez, Barne ministroak larrialdien alorreko eskumenak zeintzuk diren gogoratu du, eta PPko kideei "baloiak kanpora" botatzea leporatu die.
Fernando Grande-Marlaska Barne ministroak ostegun honetan ziurtatu duenez, sute handiek kaltetutako autonomia erkidegoek ez zuten zalantzan jarri Espainiako Estatuak suaren aurka egiteko dituen baliabideak, harik eta abuztuaren 15ean Alberto Nuñez Feijoo PPko buruak Armadaren laguntza eta baliabide gehiago eskatu zituen arte.
Hala adierazi du Marlaskak Senatuko Barne Batzordean taldeen aurrean egindako agerraldian. Bertan, PPk eskatuta, Estatuak udako suteen itzaltze-lanetan egin duen ekarpena azaldu du, batez ere Galizian, Gaztela eta Leonen, Asturiasen eta Extremaduran.
Luis Santamaria PPko senatariari erantzunez, Barne ministroak larrialdien alorreko eskumenen esparrua gogoratu du, horren kudeaketa autonomiei dagokiela azpimarratu. Hala, popularrei leporatu die "baloiak kanpora botatzea, energia hori larrialdia kudeatzeko baliabideak jartzen gastatu beharrean".
Argi utzi du Estatuak ezin dituela autonomiak "baliogabetu edo ezeztatu", horiek baitira Estatuari laguntza eskatu behar diotenak. Ildo horretan, berretsi du kudeaketaren eskumenak haienak direla, "eremuan daudelako eta ondoen ezagutzen dutenak direlako".
Autonomia horietako batzuen kudeaketari dagokionez, Marlaskak adibideren bat jarri du, hala nola Galizia, giza baliabideak eskatu zituelako bereak erretiratzen ari zenean, edo Gaztela eta Leongoa. Kasu honetan, ministroaren arabera, abuztuaren 8an dagoeneko suteak kezkagarriak zirela, erkidegoko agintariek abuztuaren 17ra arte itxaron zuten oporretan zeuden erkidegoko suhiltzaileak itzaltze-lanetan jartzeko.
"Lehen minututik Babes Zibilak eta Gobernuak eskatu zituzten baliabideak erkidegoen esku utzi zituzten", azpimarratu du Marlaskak, eta, Margarita Robles Defentsa ministroak asteartean egin bezala, autonomia horietako batzuen jarrera deitoratu du Feijooren adierazpenen ostean.
Azaldu duenez, Galiziako eta Gaztela eta Leongo goi-agintariek administrazio zentralera jo zuten "zehaztasunik gabeko" bitartekoak eskatzeko. "Hori ez da leialtasun instituzionala", azpimarratu du ministroak.
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.