Otegik azaldu du EAJren zuzendaritza berritzeak atzeratu duela Estatusaren negoziazioa, hein batean
EH Bilduren koordinatzaile nagusiaren arabera, "kosta" egingo da aurreko buruzagi jeltzaleekin zituzten zubiak eta konfiantza giroa berreskuratzea, baina ziurtatu du koalizioak ahal beste egingo duela negoziazioan aurrera egiteko.
Estatus berriaren negoziazioen gainean Aitor Esteban EAJren presidenteak atzo erakutsitako baikortasuna zerbait apaldu du gaur Arnaldo Otegi EH Bilduren koordinatzaileak. Azken horrek nahiago izan du data ez jarri eta alderdien borondatean ipini azpimarra. "Akordiorako borondatea badago, posible izan beharko litzateke. Denok pentsatzen dugu momentua hau dela, baina akordioek edukia behar dute, denen arteko akordioa behar da", azaldu du.
Radio Euskadin egindako elkarrizketan, Otegik nabarmendu du ezker abertzaleko koalizioak eskura duen guztia egingo duela, negoziazioan aurrera egitea ahalbidetzeko, alderdien arteko "aldeak handiak" direla jakitun.
Zentzu horretan, Estebanek prozesuaren atzerapena Santos Cerdan sozialistaren atxiloketarekin lotzea ere izan du hizpide, hura zelako, buruzagi jeltzalearen hitzetan, PSOE eta EH Bilduren arteko bitartekaria. "Nik dakidala, EAJren bitartekaria ere bazen", zehaztu du EH Bilduren idazkariak, eta ondoren argitu du "EAJren zuzendaritza berritzeak” atzeratu duela Estatus berriaren negoziazioa, hein batean.
Aitortu du "kosta egingo dela" aurreko buruzagi jeltzaleekin eraikita zuten konfiantza giroa berreskuratzea. "Urte asko generamatzan Ortuzarrekin eta Aurrekoetxearekin hitz egiten, oso sarritan egiten genuen". Hori esanda, jakinarazi du atzo bertan hitz egin zuela, aspaldiko partez, Estebanekin, telefonoz.
Imanol Pradales lehendakariak iragarritako bilera-sortari buruz galdetuta, berretsi du politika publikoak aldatzea dela EH Bilduren erronka, "azken urteotako politikek sortu dituzten arazoei aurre egiteko". "Nola aldatu gauzak, politika publikoei eutsita?", galdetu du.
Bilerara "jarrera eraikitzailearekin" joango direla ziurtatu ondoren, jeltzaleen jarrera kritikatu du. Bere hitzetan, “kontraesana” da, batetik, “betiko politikak defendatzea”, eta, bestetik, gainerako alderdiekin “akordioak” nahi dituztela esatea. “Gu euren eredura batzea da nahi dutena eta guk alternatiba planteatzen dugu, eta hori defendatuko dugu".
Azkenik, Espainiako Gobernuak bizi duen egoera politikoaz ere mintzatu da elkarrizketan. Uste du Pedro Sanchez presidenteak aurrekontu proiektua aurkeztu, aurkeztuko duela, baina oso zail ikusten du horrek aurrera egitea. Otegiren arabera, "inbestidurako blokerik" ez dago, "alderdi guztiek beren interes propioak defendatzen dituztelako Madrilen".
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.