Auzitegi Nazionalak Nafarroako Parlamentuari 'Koldo auzia'-ri buruzko informazioa ukatu dio, "izaera erreserbatua" duelako
Ismael Moreno epaileak azpimarratu duenez, Prozedura Kriminalaren Legearen arabera, "sumarioko eginbideak isilpekoak izango dira eta ez dira publikoak izango ahozko epaiketa hasi arte".
'Koldo auzia' ikertzen ari den Auzitegi Nazionaleko (AN) epaileak ukatu egin dio Nafarroako Parlamentuari horrek ikerketa batzorderako eskatutako dokumentazioa, "sumarioko eginbideak erreserbatuak direlako".
Auzitegi Gorenak egin bezala, Ismael Moreno epaileak auto batean erabaki du, "ez ematea eskatzaileari aurretiazko eginbide hauetan ikertutako gertakariei buruz eskatutako informazioa"
Moreno epaileak azaldu duenez, Prozedura Kriminalaren Legeak dio "sumarioko eginbideak erreserbatuak izango direla eta ez direla publikoak izango ahozko epaiketa ireki arte". Fiskaltzaren babesa du Morenok bere erabakian.
"Jarduketa judizialek prozedura penalean inplikatutako aldeentzat duten izaera erreserbatua kontuan hartuta, non prozedura horretan ikertzen diren pertsonen oinarrizko eskubideei eragiten zaien, legez ezin zaie horien kopiarik eman prozeduran esku hartzen ez duten hirugarrenei", erantzun du.
Nafarroako Parlamentuak epaileari eskatu zion irailaren 15a baino lehen txosten sorta bat eman ziezaiola "Nafarroako Gobernuak azken lau legegintzaldietan egindako edo hark finantzatutako obren lizitazioei eta esleipenak aztertzeko" ikerketa batzorderako.
Zehazki, Unai Hualde foru ganberako presidenteak instruktoreari eskatu zion Guardia Zibilaren Unitate Zentral Operatiboak (UCO) 2024ko otsailean auzitarako eman zion atestatu baten kopia, bai eta joan den urriko unitate espezializatuaren beste txosten bat ere.
Gainera, Victor de Aldama tramaren ustezko bitartekariak joan den azaroan Auzitegi Nazionalean egindako deklarazioare deklarazioaren kopia ere eskatu zuen, hura espetxetik ateratzea erabaki aurrekoa.
Eta baita De Aldamak berak aurkeztu zuen idazkiaren kopia bat ere, "herri-lanen esleipenean funtzionario publikoei eskainitako komisioen banaketari eta lurraldekako banaketari buruzkoa".
Politikari buruzko albiste gehiago
Talde israeldarra Vueltatik kanporatzearen aldekoa dela esan du Albaresek
Ukraina inbaditzeagatik Errusia kirol-lehiaketetatik kanporatu izana adibide gisa jarri du Espainiako Atzerri ministroak.
Ernai irailaren 14an mobilizatuko da, Donostian, independentziaren alde
Kontxako Banderako estropaden finalarekin bat eginez, gazte antolakundeak independentziaren aldeko "beste bultzada bat" ematearen alde egingo du.
"Genozidak" eta "Hamas, hil itzazu" dioten pintaketak egin dituzte Gasteizko komunitate judua oroitzeko eskulturan
Atzo agertu ziren pintaketak, Judimendi auzoko aintzinako hilerri juduaren omenez jarritako eskulturan.
Aburto: "Min izugarri handia ematen dit Bilbo ordezkatzen ez duen taldetxo baten irudiak ikusteak"
"Bilbo solidario eta bakezale baten irudia eskaintzeko aukera izan genuen atzo", deitoratu du Bilboko alkateak. "Indarkeria erabiltzea eta txirrindulariaren bizia bera ere arriskuan jarri… Ez, ez eta ez", azpimarratu du.
Polemika, urte judizialaren hasiera ekitaldira begira: Garcia Ortiz bertan izango da; Feijoo, ordea, ez
Elkarteen ustez, "erabat ezohikoa" da Auzitegi Gorenak auzipetutako fiskal nagusia bertan izatea, eta PPren buruak iragarri du ez dela ostiraleko ekitaldira joango, "Erregearen aurkako talka instituzionalaren alde" ez egitearren.
Parisen Zelenskirekin eta beste buruzagi batzuekin biltzekoa zen Sanchez, baina hegazkinak matxura izan du eta ezin izan da joan
Sanchez bideokonferentziaz konektatuko da 'boluntarioen koalizioko' buruzagien bilerara. Errusiarekin su-eten akordioa lortuz gero Ukrainari helarazi beharreko segurtasun bermeei buruz hitz egitea da helburua.
Pradales: "Protestak gizalegearen kontrako ekintza bihurtzea ez zen eraikitzailea izan"
RNEn egindako elkarrizketa batean, Imanol Pradales lehendakariak atzo Bilbon izandako istiluak deitoratu ditu. Haren hitzetan, zilegi da protestatzea, baina inoren segurtasuna arriskuan jarri gabe.
Chivite, Senatuko ikerketa batzordean agerraldia egiteko PPren eskaeraren aurrean: "Joan egingo gara"
Popularrek Nafarroako Gobernuko presidentea deitu nahi dute 'Koldo auzia'ren adar guztiak aztertzeko Senatuan egingo den ikerketa-batzordera.
Chivitek Esparzaren adierazpen batzuei darien "kirats matxista" kritikatu du
Maria Chivite Nafarroako Gobernuko presidenteak adierazpen matxistak egitea leporatu dio Javier Esparzari (UPN), eta Foru Erregimeneko batzorde parlamentarioan ika-mika txiki bat sortu da. "Neuk zuzentzen dut 2014ko abendutik Nafarroako sozialismoa, eta neuk zuzentzen dut 2019ko abuztutik Foru Gobernua. Eta emakume buruok ez dugu behar inongo gizonik gure begirale izatea", adierazi du.