Estatuko fiskal nagusiak epaiketan ukatu egin du Ayusoren bikotekideari buruzko informazioa filtratu izana
Alvaro Garcia Ortizen oinarrizko eskubideak urratu direla salatu du Estatuko abokatu nagusiak, tartean, errugabetasun printzipioa. Estatuko fiskal nagusiak 6 urte arteko kartzela-zigor eskaerari eta 12 urteko inhabilitazio eskaerari egin beharko die aurre.
Alvaro Garcia Ortiz Estatuko fiskal nagusiak bere aurkako akusazioak ukatu ditu epaiketaren lehen saioan. Andres Martinez Arrieta epaimahaiaren presidenteak lehen saioari hasiera eman eta berehala galdera egin dio akusatuari: "Garcia Ortiz jauna, leporatzen zaizkizun delituen egile edo arduradun al zara?". "Ez", erantzun dio.
Jarraian aurretiazko arazoak aztertzen hasi dira, eta Fiskaltzak eta Estatuko Abokatutzak salatu dute Garcia Ortizen oinarrizko eskubideak urratu egin direla, tartean, errugabetasun printzipioa.
Consuelo Castro Estatuko abokatuak (Estatuko fiskal nagusiaren abokatua) salatu duenez, ikerketan zehar hainbat irregulartasun gertatu dira. Ildo horretan, erregistroetan eskuratutako materiala auzitik kanpo uztea eskatu du.
Castroren ustez, Garcia Ortizek "ezin izan du bere burua defendatu" Angel Hurtado instrukzio epaileak, hasieratik, "beste edozein aukera" baztertu duelako. Hori dela eta, akusatuaren aurkako frogak bilatzen aritzea aurpegiratu dio.
Auzitegi Gorenean, gaur, abiatu da Alvaro Garcia Ortiz Estatuko fiskal nagusiaren aurkako epaiketa, ustez, Alberto Gonzalez Amadorri (Isabel Diaz Ayuso Madrilgo Erkidegoko presidentearen bikotekideari) buruzko informazioa hedabideetara filtratu izana leporatuta. Akusazioek 6 urte arteko kartzela zigorra, 12 urte arteko inhabilitazioa eta 400.000 euroko kalte-ordaina bete ditzan eskatzen dute. Lehen saioaren ondotik, epaiketak jarraitu egingo du hilaren 4an, 5ean, 11n, 12an eta 13an.
Ministerio Publikoaren burua 09:40an iritsi da Auzitegi Gorenera, eta sarreran ez du adierazpenik egin nahi izan. Ate nagusitik sartu da auzitegira, pertsona batzuen txalo artean.
Lehen aldiz eseri da Estatuko fiskal nagusi bat akusatuen aulkian, hain zuzen ere, sekretuak ezagutaraztea egotzita. Zehazki, Gonzalez Amadorren defentsa abokatuaren mezu elektroniko bat Ser irrati-kateari filtratu izana leporatzen diote. 2024ko otsailaren 2an Carlos Neira abokatuak bidalitako mezuan, Gonzalez Amadorrek zerga-delituak egin izana aitortzen zuen.
40 lekuko
Estatuko fiskal nagusiaren auzian 40 lekukok deklaratuko dute, tartean, fiskalak, politikariak, kazetariak, komunikazio-zuzendariak eta Guardia Zibilaren UCO unitateko agenteak.
Ahozko epaiketa hasi baino lehen aurretiazko arazoak aztertuko dituzte. Ondoren, lehen lekukoen txanda izango da: Julian Salto (fiskala), Pilar Rodriguez (Madrilgo Fiskaltzaren burua), Almudena Lastra (Madrilgo Fiskaltza nagusiaren burua), Diego Villafañe (Estatuko fiskal nagusiaren konfiantzazko gizona) eta Estatuko fiskal nagusiaren eta Madrilgo Fiskaltzaren prentsa-buruak.
Hala ere, Garcia Ortizek ez du azaroaren 12ra arte epaiketan deklaratuko. Ahozko epaiketaren aurretik epailearen aurrean egindako deklarazioan, ukatu egin zuen Ayusoren bikotekideari buruzko informazio erreserbatua filtratu izana eta zabaltzeko agindua eman izana, eta "ziur" agertu zen fiskalek ez zutela hori egin.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.