Estatuko fiskal nagusia akusatuen aulkian eseriko da astelehen honetatik aurrera
Mezu elektroniko baten filtrazioak irudi historikoa eskainiko du, Estatuko fiskal nagusi bat lehen aldiz eseriko baita akusatuen aulkian.
Garcia Ortiz, artxiboko irudi batean. Argazkia: EFE
Isabel Diaz Ayusoren bikotekidearen abokatuak hark Ogasunari iruzur egin ziola aitortuz idatzitako mezu baten filtrazioak akusatuen aulkian eseriko du lehen aldiz Estatuko fiskal nagusi bat, Alvaro García Ortiz, sekretuak ezagutaraztea egotzita.
Auzitegi Gorenak bi astez epaituko du Garcia Ortizek delitu hori egin ote zuen. Akusazio partikularrek eta herri akusazioek, Madrilgo presidentearen bikotekideak eta fiskalen elkarte batek, besteak beste, 4 eta 6 urte arteko kartzela-zigorra eta 12 urterainoko gaitasungabetzea eskatzen dute.
Fiskaltzak, Goreneko fiskalordearen laguntzarekin, deliturik ez dagoela defendatuko du, Garcia Ortizi ezin baitzaio "inolako esku-hartzerik" egotzi mezu elektroniko horren edo beste batzuen zabalkundean. Tesi hori bera erabiliko dute fiskal nagusia ordezkatzen duten Estatuko abokatuek ere.
Gorenaren egoitzan, 40 lekuko izango dira deklaratzen: politikariak (Miguel Angel Rodriguez Diaz Ayusoren kabineteko burua eta Pilar Sanchez Acera Madrilgo PSOEko bigarrena eta Moncloako kargudun ohia, besteak beste), fiskalak, kazetariak eta guardia zibilak tartean. Historian lehen aldiz, Guardia Zibilak fiskal nagusiaren bulegoa miatu zuen froga bila.
Epaiketaren azken txanpara arte, azaroaren 12ra arte, fiskal nagusiak ez du hitza hartuko. Epailearen aurrean, argi eta garbi ukatu zuen Ayusoren bikotekideari buruzko informazio erreserbatua filtratu izana edo zabaltzeko agindua eman izana, eta "ziur" agertu zen fiskalek ez zutela hori egin.
Estatuko Abokatutzak defendatzen duenez, Garcia Ortizek posta mezua eskatu zuen informazioa egiazki emateko, eta "ezin hobeto antolatutako kanpaina bat" egon zen. Horren arabera, kanpaina horretan, Miguel Angel Rodriguezek "kontakizun alternatibo bat" diseinatu zuen, eta hedabideei jakinarazi zien fiskalak eskaini ziola ituna abokatuari, ez alderantziz, eta "goitik aginduak" jaso ostean erretiratu zuela.
Rodriguezek epaileari aitortu zionez, baieztapen hori "asmatu" egin zuen, "susmoak" baliatuta.
Fiskal nagusia Jose Ignacio Ocio eta Consuelo Castro Estatuko abokatuek defendatuko dute, eta Maria Angeles Sanchez Conde fiskalordea eta Francisco Javier Montero Extremadurako fiskal nagusia izango dira Fiskaltzaren ordezkariak.
Akusazio partikular gisa arituko da Diaz Ayusoren bikotekidearen abokatua ere, eta herri-akusazio gisa, berriz, Madrilgo Abokatuen Elkargoko bi abokatu, Foro Libertad y Alternativa (Vox eta Hazte Oir biltzen ditu) fundazioko bat, Fiskalen Elkarte Profesional eta Independenteko bi, eta Manos Limpiaseko bat.
2024ko otsailaren 2a
2024ko otsailaren 2an, Carlos Neira abokatuak mezu bat bidali zion fiskal bati, Diaz Ayusoren bikotekide Alberto Gonzalez Amadorren aurkako zigor eskaera murrizteko adostasuna proposatuz. Bertan, haren izenean onartzen zuen "bi delitu fiskal" egin direla.
Martxoaren 13an, El Mundo egunkariak zabaldu zuen Fiskaltza izan zela Ayusoren bikotekideari, zigorra murriztearen truke, bi delitu fiskal onartzea proposatu ziona, alderantziz gertatu zen arren.
Instrukzio epailearen arabera, Garcia Ortizek "komunikazio truke frenetikoa" izan zuen beste fiskal batzuekin, "kontakizuna irabazteko", eta posta SER kateari filtratu izana egotzi dio.
Fiskalburuordea ez dator bat tesi horrekin; izan ere, ukatu egin du Garcia Ortizek beste batzuek ezagutzen zuten informazioa zuen mezurik filtratu izana, eta defendatu du bere mendeko langileen informazioa bildu zuela hedabide batzuek eta "arduradun publikoek" argitaratutako albiste "faltsuak" gezurtatzen zituen prentsa-ohar bat zabaltzeko.
Zure interesekoa izan daiteke
Lehendakaria agintaldiko politika orokorreko bigarren eztabaida prestatzen ibili da alderdikideekin
Bere agintaldiko politika orokorreko bigarren eztabaidari helduko dio bihar, osteguna, Imanol Pradalesek. Bertan, ekonomian jarriko du arreta, nazioarteko testuinguru korapilatsuaren eta inflazioaren igoeraren aurrean. Herritarrak kezkatzen dituzten beste arazo batzuk ere hartuko dituzte hizpide; hala nola etxebizitza, osasuna, hezkuntza, segurtasuna eta immigrazioa.
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".