Accionaren Bilboko egoitza eta Donostiako bi enpresa miatu ditu Guardia Zibilak 'Koldo auzia'rekin lotutako informazioa lortzeko
Ikerketako iturriek jakitera eman dutenez, Bizkaiko hiriburuko Accionaren egoitzara ez ezik, Madrilgora eta Sevillakora ere sartu dira agenteak, epaileak hala aginduta, bai eta Gipuzkoako hiriburuko bi enpresatara ere, EITB baieztatu duenez. Egoitza miatu bai, baina ez dute inor atxilotu.
Guardia Zibileko UCO Unitate Zentral Operatiboak (UCO) Accionak Bilbon duen egoitza miatu du ostiral honetan, Leopoldo Puente Auzitegi Goreneko epaileak aginduta, Santos Cerdan PSOEko buruzagi ohiari buruzko informazioa lortze aldera. Donostiako bi enpresa ere miatu dituzte.
Ikerketaren gertuko iturriek jakitera eman dutenez, agenteak Accionaren Bilboko, Madrilgo eta Sevillako egoitzetara joan dira epaileak agindutako miaketak egitera.
Santos Cerdan eta Jose Luis Abalos espainiar ministro ohia ikertzen hasi zirenean, Guardia Zibilak fokua jarri zuen zenbait lan publikoren esleipenduna zen Acciona.
Txostenetako batean jaso zuten, ustez "diru kopuru handiak" eman zizkiotela Abalosi eta haren aholkulari ohi Koldo Garciari, kontratu publikoen truke.
Hain zuzen ere, Unitate Zentral Operatiboak ondorioztatu zuen Santos Cerdanen dimisioak Accionak Belateko (Nafarroa) tunelaren obran Accionari egindako esleipenarekin zuela zerikusia.
Zure interesekoa izan daiteke
Pello Otxandianok dio larunbata "egun baketsua" izan behar dela Palestinan "bakea eskatzen dugulako"
Pello Otxandiano EH Bilduk Eusko Legebiltzarrean duen bozeramaileak adierazi du ez dagoela kezkatuta larunbat honetan Euskal Selekzioaren eta Palestinaren arteko partida solidarioaren atarian istiluak egon daitezkeelako, Bilboko San Mames estadioan, eta nabarmendu du "egun baketsua" izan behar dela, "bakea eskatzen dugulako".
Maitane Ipiñazar: "Arartekoaren inguruan, Otegik bi gezur garrantzitsu esan ditu"
Maitane Ipiñazarren ustez, "begibistakoa da" da Mikel Mancisidor euskalduna dela, adierazpen asko euskaraz egin dituelako. Bestalde, esan du Otegik adierazi zuela "Arartekoa emakumea izan beharko zela", baina Ipiñazarrek jakinarazi du "EH Bilduren lehentasunen artean ez dela egon Arartekoa emakumea izatea".
Epai zain geratu da fiskal nagusiaren aurkako epaiketa
Azken saioan, Garcia Ortizen defentsak berretsi du Alberto Gonzalez Amador enpresaburua dela "benetako filtratzailea". Akusazioek, berriz, salatu dute fiskal nagusiak prentsa erabili zuela, herritarren artean iritzi bat sortzeko.
Juntsen abstentzioak Sanchezen Gobernuari arnasa eman dio, nuklearrei buruzko bozketan
Espainiako Gobernuarekiko haustura formalizatu eta hamar egunera, Carles Puigdemonten alderdiak PPren zuzenketa batek aurrera egitea eragotzi du. Txalo zaparrada batekin eratzun dute PSOEko diputatuek.
Zupiria: "Larunbatekoa nahi nuke izatea festa eguna, aldarrikapen eguna, elkartasun eguna, eta ez istilu eguna"
Ostegun goizean Bingen Zupiria Segurtasun sailburuak ohartarazi du larunbaterako komunikatu gabeko mobilizazio bat deituta dagoela, Euskal Herriko klubetako zaleek eta Palestinarekin Elkartasunak deitutakoari erreferentzia eginez. Hala ere, arratsaldean argitu dute mobilizazio hori komunikatuta eta baimenduta dagoela asteazken arratsaldetik.
CTBk atzera bota du garraioetako deskontuak otsailaren 20ra luzatzeko Aldundiak egindako proposamena
Proposamena Bizkaiko Garraio Kontseiluan landu da, baina atzera bota dute, Leixuri Arrizabalaga Aldundiko bozeramaileak ostegun honetan baieztatu duenez. Diputatuak zehaztu duenez, proposamenari bide ez emateak "oraingoz luzapena aplikatu ezin izatea" dakarren arren, foru erakundeak "ildo horretan akordio bat lortu ahal izateko lanean" jarraituko du.
Amnistiari buruzko azken hitza “aberria salbatu” nahi duten epaileek dutela ohartarazi du Puigdemontek
EBko abokatu nagusiak amnistia legearen gainean emandako iritzia dela eta balorazio ezberdinak egin dituzte aldeek. EBko abokatu nagusiak amnistia legeari babesa eman diola iritzi diote Junts, ERC eta Espainiako Gobernuak. PPren ustez, berriz, amnistia legeak zuzenbide estatuaren printzipioak "urratu" dituela ondorioztatu du Europar Batasuneko abokatu nagusiak.
Chiviteren hitzetan Gobernuan ez dago ustelkeria zantzurik: "Ez naute eroraraziko, ez dute lortuko"
Parlamentuan egindako osoko bilkuran, Chivitek esan duenez "edukiontziak gurutatzea bezain antisistema da instituzioak eta demokrazia ahultzen dituzten gezurrak zabaltzea". "Ez zaiteztela harritu ultraeskuinak gainetik pasatzen zaituztenean, zuek ari zarete haiei lan zikina egiten", esan die Gobernuan ustelkeria dagoela iradokitzen dutenei.
Ansola: "EAJ da alderdi bakarra, Voxekin izan ezik, alderdi guztiekin negoziatzeko ateak zabalik dituena"
Bizkai Buru Batzarreko presidenteak Euskadi Irratian egin duen elkarrizketa batean adierazi du, gainera, "gardentasuna" bultzatzen duela Segurtasun sailak atxilotuen jatorriak argitaratzeak. Gernikako Estatutuari dagokionez, azpimarratu du "traba politiko eta administratiboak" jartzen ari zaiela Espainiako Gobernua.