Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
"Euskal Herriko ordezkari politikoei eta gainerako eragile politiko eta sozialei" dei egin die Gure Eskuk "euskal herritarren gehiengoaren borondatea ikuspegi alderdikoien gainetik jartzeko", eta "gure etorkizuna libre eta demokratikoki" erabakitzeko eskubidea aldarrikatu dute beste behin ere.
Gasteizen egin den Bazkideen Batzarrean, testuinguru politikoari buruzko ebazpena onartu dute. Horretan, "eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
"Zailtasunak izateak eta eguneroko arazoei eta etorkizuneko erronkei erantzuteko erabakitzeko gaitasunik ez izateak ez du esan nahi aurrera egiteko aukerarik ez dagoenik, ezta hori egiteko indar nahikorik bildu ez dugunik ere", defendatu dute, "azken hamarkadetan herri gisa aurrera egiteko oinarriak" sortu direla uste baitute.
"Erantzukizun historikoarekin jokatzeko" deia egin dute, "bai eragile politiko eta sozialek, bai herritarrek", eta "anbizioz eta erabakitasunez jokatzeko eta une politikoaren garrantziari egokitutako urratsak emateko" deia egin dute.
"Espainiako eta Frantziako estatuen eskumenen higaduraren edo joera zentralisten aurrean, geure herrian erabakiak geuk hartzeko borondatea dugu", aldarrikatu dute.
"Euskal Herriko ordezkari politikoei eta gainerako eragile politiko eta sozialei" helarazitako eskakizunen artean, Gure Eskuk eskatu du euskal herritarren gehiengoaren borondatea ikuspegi alderdikoien gainetik jartzea, "euskal herritarrek gure etorkizuna libre eta demokratikoki erabakitzeko dugun eskubidearen alde, eta, bultzada berri batekin, euskara eta euskal kultura biziberritzea".
Azken hori, Gure Eskuren ustez, "premiazkoa" da. Izan ere, "euskara hizkuntza ofizial gisa onartzeko garaia da, dagozkion eskubide guztiekin", eta, horretarako, beharrezkoa da "arkitektura juridiko-politiko egokia eta eraginkorra artikulatzea, euskal kultura babestu, indartu eta zabaltzeko".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.