Epaileak epaiketara bidali du Iñigo Errejon, Elisa Mouliaaren aurkako ustezko sexu-erasoengatik
Magistratuak urtarrilaren 15erako deitu du bozeramaile ohia. Fiskaltzak, berriz, ez du Errejon akusatuko, eta auzia artxibatzeko eskatu du, zantzu nahikorik ez dagoelako.
Iñigo Errejon, EFEren artxiboko irudi batean
Epaileak ahozko epaiketa hasteko agindua eman du Iñigo Errejon Sumarren bozeramaile ohiaren aurka, 2021eko urrian Elisa Mouliaa aktoreari egin omen zizkion sexu-erasoengatik, eta urtarrilaren 15erako deitu du erabaki hori jakinarazteko.
Adolfo Carretero instrukzio epaileak azitara bidali du bozeramaile ohia, fiskalaren irizpidearen aurka. Izan ere, pasa den abenduan Fiskaltzak esan zuen ez duela eskatuko Errejoni zigorrik ezar diezaioten, ez delako "behar bezala justifikatu delitua egin izana", eta ez delako egiaztatu Errejonek argi ote zuen "sexu-harreman" hura aktoreak nahi izan gabe egin zuela.
Epailearen iritziz, eta hamahiru hilabeteko ikerketaren ondoren, salatzailearen zein ikertuaren bertsioak, haren peritu eta dokumentu frogak ikusita, salaketak badu oinarririk, eta, esan bezala, urrats bat aurrera ematea erabaki du. Mouliaaren deklarazioan egon zitezkeen kontraesanei dagokienez, epaileak berak azaldu du argitu zituela, galdeketa luze eta sakon baten ondoren. Izan ere, galdeketa horretan koherentziari eutsi zion une oro.
Bien bitartean, Elisa Mouliaak, hiru urteko kartzela-zigorra eskatu du, sexu-abusuaren delitu jarraitua egiteagatik, baita 30.000 euroko kalte-ordaina ematea ere.
Errejonek kargu politiko guztiak utzi zituen 2024ko urriaren 24an, indarkeria matxistarekin loturiko bere aurkako mezu anonimoak sareetan argitaratu ondoren. Egun horretan bertan, Mouilaak "sexu-jazarpenaren biktima" izan zela argitaratu zuen, eta Poliziaren aurrean politikari ohiaren aurkako salaketa jarri zuen.
Zure interesekoa izan daiteke
De Aldamak delitu guztiak onartu ditu, eta zigorra murrizteko eskatu du "Fiskaltzari laguntzeagatik"
'Koldo kasua'n legez kanpoko komisioen sarean inplikatutako enpresaburuak zigorra murrizteko eskatu du, delitu guztiak onartu eta "funtsezko" frogak aurkeztu ondoren.
Euskadik eta Galesek bultzada eman diete proiektu ekonomiko, sozial, linguistiko eta kulturalei
Imanol Pradalesek Eluned Morgan Galesko ministro nagusia hartu du Ajuria Enea Jauregian, eta bi eskualdeek 2018an sinatu zuten lankidetza-memoranduma berritu dute, biek sinatuta, lankidetzarako aukera berriak aztertzeko asmoz.
Espainiako Gobernuak eta ERCk finantza-akordioa erdietsi dute Kataluniarako 4.700 milioi euro gehiago bideratzeko
Pedro Sanchez Espainiako Gobernuko presidentearekin Moncloan izandako elkarrizketaren ostean eman du horren berri Oriol Junqueras ERCren buruak.
Pradalesek gaitzetsi egin ditu politikarien aurkako "erasoak", Voxeko legebiltzarkidearen dendan pintaketak agertu ondotik
Amaia Martinezek asteazkenean salatu zuen haren familiak Arabako hiriburuan duen dendan "faxismoaren" aurkako pintadak agertu izana.
EH Bilduk irabaziko lituzke Gipuzkoan hauteskundeak, baina EAJk eta PSE-EEk gobernuari eusteko aukera lukete
Foru Aldundiaren azken soziometroak agerian utzi ditu gipuzkoarren kezka nagusiak: etxebizitza, langabezia, osasuna eta segurtasuna. Euskararen egoera okerrera doan pertzepzioa zabaltzen ari da gipuzkoarren artean.
Gasteizko 2026ko aurrekontu-proiektua EH Bildurekin aurrera ateratzeko prest dagoela adierazi du EAJk
Gasteizko Udaleko alkateordeak adierazi duenez, EH Bilduren proposamenek Udal Gobernuak aurkeztutako aurrekontu proiektuaren "espirituarekin bat etorri beharko lukete". "Nik ez daukat marra gorririk, ezta lehentasunezko bazkiderik ere. Niri axola zaizkit talde politikoek Gasteizen bizi garenon bizimodua hobetzeko egiten dituzten proposamenak", gaineratu du Artolazabalek.
Chivitek Felix Taberna eta Amparo Lopez kargutik kendu ditu eta Javier Remirez eta Inma Jurio aukeratu ditu horien ordez
Legegintzaldia amaitzeko 15 hilabete falta diren honetan, Chivitek "bultzada politiko berria" eman nahi dio gobernuari. Halaber, beste aldaketa bat ere iragarri du: Miriam Marton izango da aurrerantzean Babes Sozialerako eta Garapen Lankidetzarako zuzendari nagusia.
Elizak bere gain hartuko du sexu-abusuen biktimei eman beharreko kalte-ordainen gastua
Elizak eta Espainiako Gobernuak sexu-erasoak jasan dituztenei erreparazioa emateko akordioa erdietsi dute.
Chivitek Nafarroako Gobernua birmoldatuko du, Felix Taberna eta Amparo Lopez kargutik kenduta
Ostegun honetan egingo du agerraldia hedabideen aurrean Nafarroako Gobernuko presidenteak, erabakiaren inguruko azalpenak emateko. Gobernuko iturriek azaldu dutenez, legegintzaldiaren azken txanpari “bultzada politikoa” ematea da helburua.
EH Bilduk bat egin du larunbaterako Sarek deitutako manifestazioarekin, eta herritarrak parte hartzera deitu ditu
Koalizioaren hitzetan, "arrazoi politikoengatik espetxean, erbestean edo deportatuta" dauden euskal herritarren egoerak "konpondu gabe jarraitzen du", eta beharrezkoa da presoei ezartzen zaizkien "salbuespen neurriak" bertan behera uztea.