Elisa Mouliaa aktoreak salatu du Errejonek hiru sexu eraso egin zizkiola
Elisa Mouliaa aktoreak komisarian salatu ditu Iñigo Errejonek, atzora arte Sumarren bozeramailea zenak, egin zizkion sexu erasoak, eta hiru izan zirela zehaztu du. Eraso matxistak 2021eko irailean jazo ziren, aktorearen lagun baten etxean egindako jai batean.
Mouliaak Espainiako Poliziak Madrilen duen Emakumeak artatzeko Unitatearen aurrean aurkeztu du salaketa, eta ia berehala filtratu da albiste-agentzia eta hedabideetara. Salaketaren arabera, aktoreak ukituak, musuak eta komentarioak jasan zituen, denak ere bere borondatearen kontrakoak.
Erasoak jaia egin baino lehen, jaia egin zen etxeko logela batean (giltzaz itxi zuen) eta Errejonen etxean egin zizkion. Halako batean, honakoa esan zion emakumeak: "Iñigo, 'bai bakarrik da bai'. Gezurra dirudi hau zurekin gertatzea".
Emakumeak esan du shock egoeran geratu zela, eta ez zituela Errejonek egindakoak baimendu.
Aktoreak X sarearen bidez iragarri du bart Errejonen biktima izan dela, beste emakume batek, era anonimoan, Cristina Fallaras kazetariari bidalitako testigantza bat zabaldu eta Errejonek egindakoa onartu ostean. Kontakizun horrekin lehertu zen auzia.
Hain zuzen ere, kazetari feminista horren ustez, "arazo larria" dago emakumeek "auzitara edo Poliziarengana jo beharrean" berarengana jo behar badute. "Agerian dago estamentu horiek ez dutela funtzionatzen", erantsi du.
Mouliaaren salaketari dagokionez, Espainiako Gobernuko Barne Ministerioak esan du Espainiako Poliziak Errejonen kontra egingo duela salaketan hori egiteko "nahikoa zantzu badaude". Fernando Grande-Marlaskaren ministerioko iturrien arabera, agenteek "gertakariak benetakoak ote diren egiaztatuko dute ikerketan, eta horretarako lekukotzak jaso eta, halakorik balego, grabazioak aztertuko dituzte".
Zure interesekoa izan daiteke
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.