Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Felipe Gonzalez. Argazkia: EFE
Felipe Gonzalez Espainiako Gobernuko presidente ohiak autokritika falta aurpegiratu dio PSOEri, Aragoiko eta Extremadurako hauteskundeetan izandako porroten ostean. Sozialistek inoizko emaitzarik txarrena lortu dute, eta, bere ustez, dinamika hori bera errepikatu daiteke hauteskunde orokorretan.
Madrilgo Ateneoan egindako gosari informatibo batean, Gonzalezek ohartarazi du "hau da Espainian gertatuko dena, eta goazen bidetik ezin da saihestu". Adierazi du, gainera, Vox geldiarazteko, behar-beharrezkoa dela Estatuak funtzionatzea, arreta berezia jarriz zerbitzu publikoetan eta etxebizitza-politikan.
Espainiako presidente ohiak PPren barne kritikarik eza ere salatu du, eta Alberto Nuñez Feijoo buruzagi nazionalak proiektu politikorik ez duela adierazi du. Bere ustez, Pedro Sanchez Espainiako Gobernuko presidentea "botatzen" saiatzera mugatzen da Feijoo. Halaber, Voxekin itunik egingo ez lukeela ziurtatu arren, EH Bildurekin ere ez lukeela egingo azpimarratu du, "ezta txantxetan ere", adierazi duenez.
Datozen hauteskunde orokorretan boto zuria emango duela azpimarratu du Gonzalezek, egungo hautagaiengatik, eta beste edozein alderdiri babesa ematea baztertu du. Boto zuriaren aldeko kanpaina egiteko eskubidea izango lukeela onartu arren, zehaztu du ez duela horrelakorik egingo.
Zure interesekoa izan daiteke
Euskadik LABI aktibatu ahal izango du zibersegurtasuneko gertakari handien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionako presidentearen kontra egin du, Belateko ikerketa batzordean ez agertzeagatik
Jose Antonio Entrecanales Accionako presidentea bi aldiz deitu dute ikerketa batzordera, baina bi kasuetan ordezkariak bidali ditu. Irati Jimenez ikerketa batzordeko presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du ikerketa batzordeak.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten hamalau lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantza beteriko" batean.
PPk "harresia" ez izateko eskatu dio Voxi, eta PSOE "autokritika" egitea ekiditen dabil
Beste hauteskunde hitzordu batzuetan baino argiago mintzatu da Feijoo Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.