Delituak errepikatzen dituztenei aplikatu beharreko irizpideak gogortzea adostu dute Pradalesek eta Sanchezek
Arma zuriak eramateagatik dagoen araubidea indartuko da, aldaketak bultzatuko dira delitu-errepikapen kasuetarako ezarri beharreko araudian, eta Ertzaintzak atzerritartasunaren esparruan parte-hartze "operatibo erabilgarria" izatea erraztuko da.
Pradales eta Sanchez, Moncloan. Argazkia: EFE
Imanol Pradales lehendakariak eta Pedro Sanchez Espainiako presidenteak Aldebiko Lankidetza Batzordearen bilera egin dute gaur, eta segurtasun publikoa indartzeko neurriei buruzko akordioak ere lortu dituzte. Bileraren osteko agerraldian Pradalesek esan duenez, "hiru akordioak oso esanguratsuak dira Euskadiko kaleetako segurtasuna hobetzeko".
Delituak errepikatzen dituztenen kasuan, arauak aldatzea erabaki dute, "oraindik epai irmorik ez duten baina delituak egiten jarraitzen duten pertsonen aurrean" jardun ahal izateko. Berariaz sartzean, epaileak kontuan hartu beharko luke puntu hori. Herritarren kezka gero eta handiagoa da segurtasunaren arloan, eta lehen aldia da gaian adostasuna lortzen dela.
Era berean, Armen Erregelamendua aldatzea erabaki da. Arma zuriak, baita txikiak ere, eramateko edo erabiltzeko debekua indartuko da. Establezimendu publikoetan, biltokietan eta abarretan izango du horrek eragina. Debekua erabatekoa izatea nahi da, eta ez arau orokor bat. Gainera, espazio horietan informazio-kartelak jartzeko eskakizuna jasoko litzateke erregelamenduan, erabat debekatuta dagoela ohartarazteko.
Hirugarren akordio bat ere itxi da. Ertzaintzak atzerritartasunaren arloan "modu operatiboan parte hartzeko" eta antolatutako krimenaren aurkako Europako datu-baseetara zuzenean sartzeko ahalmena izango du.
Zure interesekoa izan daiteke
Pradalesek "akats politiko larritzat" jo du 'Gernika' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera bederatzi hilabetez ekartzea baztertzeko. Margolana Euskadira ekarrita munduari "erreparazio" mezu bat bidaliko litzaioke, eta hala helarazi dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.
Euskadik aireportuen kudeaketan parte hartuko du, lehendakariak Pedro Sanchezekin adostu ostean
Bilkurak bestelako akordio batzuk ere ekarri ditu, hala nola herritarren segurtasuna hobetzekoak edo industria arloko enpresa ertain eta txikiei laguntzeko neurriak.
Pradales Sanchezekin bildu da Irango gerra, Euskadi iparraldeko muga gisa hartzea eta medikuen greba aztertzeko
Transferentziak eta Tubos Reunidosen zorraren berregituraketa ere aztertuko dituzte. Espainiako Gobernuak eta Eusko Jaurlaritzak Aldebiko Batzordearen laugarren bilera dute gaurkoa Moncloan.
Euskal Herria Bateraren ekitaldia
Lizarratik zuzenean, Aberri Egunaren ospakizun bateratua.
Albiste izango dira: Pradales-Sanchez bilera, Korrika eta 2026ko EITB Maratoiaren kausa
Gaurkoan Orainen albiste izango direnen laburpena, bi hitzetan.
Sanchezek iragarri du Carlos Cuerpo izango dela Maria Jesus Monteroren ordezkoa lehen presidenteorde gisa
Orain arte lehen presidenteordea eta Ogasun ministroa izan dena Gobernutik atera da Andaluziako Juntako presidentegai sozialista izateko.
Irango gerraren ondorioen aurkako neurrien dekretua onartu dute Kongresuan
Neurri ekonomikoek 5.000 milioi euro mobilizatzea aurreikusten dute. Voxek bakarrik bozkatu du kontra, eta PPk eta Podemosek abstentziora jo dute.
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.