Uxue Barkosek ukatu egin du bere agintaldian ustelkeriarik izan zela, eta zirutatu du ez duela Cerdanekin sekula negoziatu
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko ikerketa batzordean.
Uxue Barkos, ikerketa batzordean egindako agerraldian. Argazkia: EFE.
Uxue Barkosek, 2015 eta 2019 artean Nafarroako Gobernuko presidente izan zenak, esleipen publikoen inguruko Nafarroako Parlamentuko ikerketa batzordean hitz egin du astearte honetan eta argi utzi du bere agintaldian zehar ez zela ustelkeria kasurik izan. "Hori egiaztatu egin da, batzorde honek egin duen lanaren bidez", esan du. Bestetik, UPNren parlamentari Javier Esparzaren galderei erantzunez, azpimarratu du PSNrekin negoziatu duen guztietan Maria Chiviterekin negoziatu duela, ez Santos Cerdanekin.
Hiru orduz aritu da Uxue Barkos ikerketa batzordearen aurrean azalpenak ematen. Besteak beste, azaldu du PSNrekin Nafarroan negoziatzen zuela berak, sozialisten Madrilgo arduradunengana jo gabe. Cerdan "Nafarroako Parlamentuan ezagutu" zuela azaldu du eta "bilera bat baino gehiago" izan zituztela, baina jakinarazi du harremanak "Maria Chivite gaur egungo presidentearekin" izan zituela beti. Argitu du "alderdiaren idazkari nagusiaren figura errespetatu" duela eta harekin negoziatzen zuela; "ez dut inoiz bilerarik izan Madrilen", esan du. Eta Estatuko Gobernuarekin negoziatu behar zuenean "zegokion ministerioarekin" hitz egiten zuela azaldu du, "ez diputatuekin".
Antxon Alonsori dagokionez, Barkosek esan du 2015ean ezagutu zuela Servinabarren administratzailea, Mina Muga proiektuaren baitan. Alonso egitasmoa sustatzen zuen Geoalcali enpresako lantaldearen parte zela azaldu du. Harekin "oso bilera gutxi" egin zituela zehaztu du, proiektuaren tramitazioa Ministerioari pasa baitzizaion, Nafarroako eta Aragoiko lurraldeak tartean zeudelako.
Barkosen agintaldian lau obra esleitu zitzaizkien Accionak Alonsoren enpresekin zituen elkarteei: Arbizuko ikastetxe publikoaren obrak, Nafarroako Jauregiko Artxiboaren eraberritzea, Erripagañan babes ofizialeko 62 etxebizitza eraikitzea eta Navarra Arenako bulegoak. Presidente ohiaren hitzetan, "normaltasun osoz egin ziren lizitazioak, normaltasun osoz egin ziren obrak dira".
Presidente ohiak eta egungo senatariak ziurtatu duenez, ez zien "inoiz jarraibiderik eman" Gobernuko kideei esleipen horiek Acciona edo Servinabarri emateko. "Inoiz ez, ezer ez, ezta antzekorik ere", esan du, eta Guardia Zibilaren UCOk ikertutako ustezko ustelkeria sarearen gaineko "inolako susmorik ez" zuela adierazi du. UCOren txostenaren berri izan ondoren, albistea "sinesgaitza" eta "harrigarria" iruditu zitzaiola esan du
Hala ere, gogoratu du kasu hura bere agintaldiarekin lotzeko "saiakera egin zela hasieran". "Hasieratik esan genuen ez zegoela ustelkeria kasurik, eta uste dut oso ondo egiaztatu dela batzorde honetan", defendatu du.
Saio amaieran, Barkosek eskerrak eman dizkie "urte haietako Gobernuaren lana defendatu dutenei".
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.